കോട്ടയം മെഡിക്കല്‍ കോളേജിനടുത്ത് തട്ടുകടയില്‍ നിന്നും വാങ്ങിയ പലഹാരത്തില്‍ അട്ടയെ കണ്ടതായി പരാതി.
മെഡിക്കല്‍ കോളേജില്‍ ഗൈനക്കോളജി വാര്‍ഡില്‍ പ്രവേശിപ്പിക്കപ്പെട്ട സഹോദരിക്കായി ഏറ്റുമാനൂര്‍ പാറോലിക്കല്‍ സ്വദേശി സാബു വാങ്ങിയ പലഹാരത്തിലാണ്‌ അട്ടയെ കണ്ടത്.
ഗൈനക്കോളജി വാര്‍ഡിനു സമീപത്തായി മെഡിക്കല്‍ കോളേജ് കാമ്പസിനു പുറത്തുള്ള തട്ടുകടയില്‍ നിന്നാണു പലഹാരം വാങ്ങിയത്. ഇത് സംബന്ധിച്ച് അധികാരികള്‍ക്ക് പരാതി നല്‍കിയെങ്കിലും ഫലമുണ്ടാകാത്തതിനെ തുടര്‍ന്ന് കോട്ടയം ഗാന്ധി നഗര്‍ പൊലീസില്‍ സാബു പരാതി നല്‍കി.
