എന്നാല്‍ തങ്ങളെ ജയില്‍ ഉദ്യോഗസ്ഥര്‍ മര്‍ദ്ദിച്ചെന്നാണ് ടിപി ചന്ദ്രശേഖരന്‍ വധക്കേസിലെ പ്രതികള്‍ പറയുന്നത്. സിപിഎം നേതാവ് പി ജയരാജനും എംഎല്‍മാരായ സി രവീന്ദ്രനാഥ്, ബി ഡി ദേവസി, ബാബു എം പാലിശേരി സിപിഎം തൃശൂര്‍ ജില്ലാ സെക്രട്ടറി എ സി മൊയ്തീന്‍ എന്നിവരും കോടിയേരിക്കൊപ്പമുണ്ടായിരുന്നു.
ടി പി വധക്കേസ് പ്രതികളെ ജയിലിനകത്ത് ക്രൂരമായി മര്‍ദ്ദിച്ചെന്ന് കോടിയേരി ബാലകൃഷ്ണന് പിന്നീട് മാധ്യമപ്രവര്‍ത്തകരോട് പ്രതികരിച്ചു. ആസൂത്രിതമായ മര്‍ദ്ദനമാണ് നടന്നത്. മര്‍ദ്ദനത്തിനെതിരെ ജുഡീഷ്യല്‍ അന്വേഷണം നടത്താന്‍ സര്‍ക്കാര്‍ തയ്യാറാകണം. ഉന്നതതല അന്വേഷണത്തിനൊപ്പം മനുഷ്യാവകാശ കമ്മീഷന്‍ തടവുകാരെ സന്ദര്‍ശിക്കണമെന്നും ടി പി വധക്കേസിലെ പ്രതികളെ സന്ദര്‍ശിച്ചശേഷം കോടിയേരി പറഞ്ഞു.
