കോഴിക്കോട് അന്താരാഷ്ട്ര വിമാനത്താവളം വഴി അനധികൃതമായി കടത്താന്‍ ശ്രമിച്ച സ്വര്‍ണം പിടികൂടി. ഒരുകിലോയോളം സ്വര്‍ണമാണ് പിടികൂടിയത്.
മലപ്പുറം സ്വദേശി യുനീസിനെ അറസ്റ്റു ചെയ്തതായും റിപ്പോര്‍ട്ട്. കഴിഞ്ഞ അഴ്ചയും 29 ലക്ഷം രൂപയോളം വിലമതിക്കുന്ന സ്വര്‍ണവുമായി ഒരാളെ പിടികൂടിയിരുന്നു.
ഈ ആഴ്‌ച മൂന്നാം തവണയാണു കരിപ്പൂരില്‍ നിന്നു സ്വര്‍ണം പിടികൂടുന്നത്‌. കരിപ്പൂര് വിമാനത്താവളത്തില്‍ കഴിഞ്ഞ ഒരുമാസത്തിനിടയില്‍ വിദേശ യാത്രക്കാരില്‍ നിന്ന് കിലോക്കണക്കിന് സ്വര്‍ണമാണ് പിടികൂടിയിട്ടുള്ളത്.
