ഒറ്റപ്പാലത്ത് പൊലീസ് പിടിയിലായത് ആട് ആന്റണിയെന്ന് സംശയം. ഇയാളെ കസ്റ്റഡിയിലെടുത്ത് പൊലീസ് ചോദ്യം ചെയ്ത് വരികയാണ്. അതേസമയം, പിടിയിലായത് ആട് ആന്റണി തന്നെയാണോ എന്ന കാര്യം പൊലീസ് ഇതുവരെ പുറത്ത് വിട്ടിട്ടില്ല.
പൊലീസ് ഡ്രൈവറായ മണിയന്‍പിള്ളയെ കുത്തിക്കൊലപ്പെടുത്തിയ കേസിലെ പ്രതിയും മോഷ്ടാവുമായ ആട് ആന്റണിയ്ക്കായി രാജ്യമൊട്ടാകെ വലവീശിയിട്ടും കണ്ടെത്താകാനാകത്തത് പൊലീസിന് ഏറെ നാണക്കേടുണ്ടാക്കിയ കാര്യമാണ്.
നേരത്തെ ആട് ആന്‍റണിയും കൂട്ടാളിയുമെന്ന സംശയത്തിന്‍െറ പേരില്‍ രണ്ട് പേരെ കസ്റ്റഡിയില്‍ വെച്ച ശേഷം വിട്ടയക്കുകയും ചെയ്തു .‘ആന്റണി നദാന്‍ അഗസ്റ്റിന്‍’ എന്ന പേരില്‍ ടിക്കറ്റെടുത്ത ഒരു പാവപ്പെട്ടവനാണു പേരിന്റെ സാമ്യത്തില്‍ കുടുങ്ങിയത്.
ആട് ആന്റണി പൊലിസിനെ കബളിപ്പിച്ച് നാടുനീളെ പ്രത്യക്ഷപ്പെടുമ്പോളും പൊലിസിന്റെ തന്ത്രങ്ങളുടെ മുന ഒടിയുമ്പോഴും ആളുകളുടെ ഓര്‍മ്മയിലെത്തുന്നത് സുകുമാരക്കുറുപ്പിനെയാണ്.
