അനുബന്ധ വാര്ത്തകള്
- മുംബൈയില് ഈമാസം 15വരെ നിരോധനാജ്ഞ; മഹാരാഷ്ട്രയില് കൊവിഡ് മൂലം മരിച്ചത് 60 പോലീസുകാര്
- ആരോഗ്യ വകുപ്പ് കൊവിഡ് സർട്ടിഫിക്കറ്റ് നൽകാത്തതിനാൽ ആശുപത്രിയിൽ പ്രവേശിപ്പിച്ചില്ല, ആശുപത്രി പടിയ്ക്കൽ കൊവിഡ് ബാധിതനായ 59കാരന് ദാരുണാന്ത്യം
- 24 മണിക്കൂറിനിടെ 434 മരണം, 19,148 പേർക്ക് രോഗബാധ, രാജ്യത്ത് കൊവിഡ് ബാധിതരുടെ എണ്ണം ആറുലക്ഷം കടന്നു
- കണ്ണൂര് ജില്ലയില് ഇന്നലെ കൊവിഡ് സ്ഥിരീകരിച്ചത് 27പേര്ക്ക്; 12പേര്ക്ക് രോഗമുക്തി
- സൈനികര്ക്കിടയില് കൊവിഡ് വ്യാപനം രൂക്ഷം; ഇന്നലെ കൊവിഡ് സ്ഥിരീകരിച്ചത് 134 സൈനികര്ക്ക്
കൊച്ചിയിൽ കനത്ത ജാഗ്രത: നിർദേശങ്ങൾ കർശനമായി പാലിക്കണം, രോഗവ്യാപനമുണ്ടായാൽ സ്ഥിതി രൂക്ഷമാകുമെന്ന് മുന്നറിയിപ്പ്
കൊച്ചി: കൊച്ചിയിലെ കൊവിഡ് സാഹചര്യത്തിൽ കനത്ത ജാഗ്രത വേണമെന്ന് മന്ത്രി വിഎസ് സുനിൽകുമാർ. മെട്രോ നഗരത്തിൽ രോഗവ്യാപനമുണ്ടായാൽ സ്ഥിതി വളരെ രൂക്ഷമാകുമെന്നും രോഗലക്ഷണങ്ങള് മറച്ചുവെക്കുന്നവര്ക്കെതിരെ നടപടിയെടുക്കുമെന്നും മന്ത്രി വ്യക്തമാക്കി. അതേസമയം എറണാകുളം ജില്ലയിൽ സമൂഹവ്യാപനം സംഭവിച്ചിട്ടില്ലെന്നും അദ്ദേഹം കൂട്ടിചേർത്തു.
എറണാകുളം മാർക്കറ്റിലുണ്ടായ വ്യാപനം ഒരു താക്കീത് മാത്രമാണെന്ന് വി എസ് സുനില്കുമാര് പറഞ്ഞു. എല്ലാവരും കൊവിഡ് പ്രോട്ടോക്കോൾ പാലിക്കുമെന്ന് ഉറപ്പുവരുത്തുമെന്നും നിയമം ലംഘിക്കുന്നവർക്കെതിരെ കർശനമായ നടപടികൾ ഉണ്ടാകുമെന്നും മന്ത്രി പറഞ്ഞു.രോഗലക്ഷണമുള്ളവർ അടിയന്തരമായി ആരോഗ്യപ്രവർത്തകരെ സമീപിക്കണമെന്നും മന്ത്രി പറഞ്ഞു.
കൊച്ചി നഗരത്തിൽ സമ്പർക്കത്തിലൂടെ കൊവിഡ് ബാധിക്കുന്നതാണ് ആശങ്കകൾക്കിടയാക്കിയിരിക്കുന്നത്.എറണാകുളത്ത് ഇന്നലെ കൊവിഡ് സ്ഥിരീകരിച്ച പന്ത്രണ്ട് പേരിൽ എട്ട് പേർക്കും രോഗം പിടിപെട്ടത് സമ്പർക്കത്തിലൂടെയാണ്. അതിനിടെ മാർക്കറ്റിലെ വ്യാപാരസ്ഥാപനങ്ങളിലെ ജീവനക്കാർക്ക് രോഗം സ്ഥിരീകരിച്ച സാഹചര്യത്തിൽ ഇവിടുത്തെ 26 പേരുടെ സ്രവം പരിശോധനകൾക്കായി അയച്ചിട്ടുണ്ട്.ജില്ലയിലെ ആശുപത്രികളിൽ കവിഡ് സ്ഥിരീകരിച്ച് 190 പേരാണ് ചികിത്സയിൽ കഴിയുന്നത്.
