തിരുവനന്തപുരത്ത് താലികെട്ടിന് മുന്‍പ് ബ്യൂട്ടിപാര്‍ലറില്‍ പോയ വധു ഒളിച്ചോടി. തിരുവനന്തപുരം കല്ലമ്പലത്താണ് സംഭവം. ബ്യൂട്ടിപാര്‍ലറില്‍ പോയ വധുവിനെ മുഹൂര്‍ത്തസമയമായിട്ടും കാണാത്തതിനെ തുടര്‍ന്ന് അന്വേഷച്ചപ്പോഴാണ് ഒളിച്ചോടിയ വിവരം അറിയുന്നത്. വിവരം അറിഞ്ഞ് പെണ്‍കുട്ടിയുടെ മാതാപിതാക്കള്‍ കുഴഞ്ഞുവീണു. ആറുമാസം മുന്‍പായിരുന്നു വിവാഹ നിശ്ചയം കഴിഞ്ഞത്.

വധു ഒളിച്ചോടിയതറിഞ്ഞ് വരന്റെ ബന്ധുക്കള്‍ കൂടുതല്‍ പ്രശ്‌നം ഉണ്ടാക്കാത്തതിനാല്‍ സംഘര്‍ഷം ഒഴിവായി. ഇത് സംബന്ധിച്ച് ആരും പരാതി നല്‍കിയിട്ടില്ലെന്ന് പൊലീസ് പറഞ്ഞു.