ജയിലര്‍ കളക്ഷന്‍ റിപ്പോര്‍ട്ടാണ് പുറത്തുവന്നിരിക്കുന്നത്. റിലീസ് ചെയ്ത് പത്ത് ദിവസത്തിനകം 500 കോടി ക്ലബ്ബില്‍ ചിത്രം എത്തിയെന്ന് ട്രേഡ് അനലിസ്റ്റായ മനോബാല ട്വീറ്റ് ചെയ്തു. 514.25 കോടിയാണ് 10 ദിവസത്തെ കളക്ഷന്‍. സിനിമയുടെ നേട്ടങ്ങള്‍ എന്തൊക്കെയെന്ന് നോക്കാം.

2023ലെ ഏറ്റവും വലിയ തമിഴ് ഗ്രോസര്‍, തമിഴ് സിനിമയിലെ ഏറ്റവും മികച്ച ആദ്യദിന കളക്ഷന്‍, വേഗത്തില്‍ 150 കോടി തമിഴ്‌നാട്ടില്‍ നിന്ന് മാത്രം സ്വന്തമാക്കിയ ചിത്രം, ഒരാഴ്ചയ്ക്കുള്ളില്‍ 400 കോടി ക്ലബ്ബിലെത്തുന്ന ആദ്യ തമിഴ് സിനിമ തുടങ്ങിയ റെക്കോര്‍ഡുകളും സിനിമ സ്വന്തമാക്കി.

കേരളത്തില്‍ ഏറ്റവും കൂടുതല്‍ കളക്ഷന്‍ നേടുന്ന തമിഴ് ചിത്രം ഇപ്പോഴും വിക്രം തന്നെയാണ്. രണ്ടാം സ്ഥാനത്താണ് ജയിലര്‍. കര്‍ണാടകയിലും ഏറ്റവും കൂടുതല്‍ കളക്ഷന്‍ നേടുന്ന തമിഴ് ചിത്രമായി ഇത് മാറും. യുഎസില്‍ എക്കാലത്തെയും മികച്ച കളക്ഷന്‍ നേടുന്ന രണ്ടാമത്തെ തമിഴ് സിനിമയായി മാറി ജയിലര്‍. യുഎഇയില്‍ ഒന്നാം സ്ഥാനത്തും ഓസ്‌ട്രേലിയ ന്യൂസിലാന്‍ഡ് എന്നിവിടങ്ങളില്‍ രണ്ടാം സ്ഥാനത്തുമാണ് ജയിലറിന്റെ കളക്ഷന്‍.