തിരുവനന്തപുരത്ത് ഗോഡൗണിന് സമീപം നവജാത ശിശു മരിച്ച നിലയില്‍ കണ്ടെത്തി. തിരുവനന്തപുരം വലിയ തുറ പാലത്തിനടുത്തുള്ള ഗോഡൗണിനു സമീപമാണ് മൃതദേഹം കണ്ടെത്തിയത്. ഇതേതുടര്‍ന്ന് പൊലീസിനെ വിവരം അറിയിക്കുകയായിരുന്നു. കുഞ്ഞിന്റെ മൃതദേഹം തിരുവനന്തപുരം മെഡിക്കല്‍ കോളേജിലേക്ക് മാറ്റി. കുഞ്ഞിനെ ഉപേക്ഷിച്ചതാണോ കൊലപ്പെടുത്തിയതാണോയെന്നതില്‍ വ്യക്തതയില്ല. സംഭവത്തില്‍ വലിയ തുറ പൊലീസ് കേസെടുത്ത് അന്വേഷണം ആരംഭിച്ചു.