അനുബന്ധ വാര്ത്തകള്
- ഔഡിയുടെ സബ് കോംപാക്ട് എസ്യുവി 'Q2' ഉടൻ വിപണിയിലേയ്ക്ക് !
- പരപുരുഷബന്ധം ചോദ്യം ചെയ്ത് വാക്ക് തര്ക്കം; കാമുകനെ കാമുകി കൊലപ്പെടുത്തി
- ഇന്ന് ഞാൻ സ്വതന്ത്രനായി; ഭാവി പരിപാടികൾ ഉടൻ പ്രഖ്യാപിയ്ക്കും: ശ്രീശാന്ത്
- കോളേജ് വിദ്യാർത്ഥികൾക്കായി ഫെയ്സ്ബുക്കിൽ തന്നെ മറ്റൊരു പ്രൊഫൈൽ; 'ഫെയ്സ്ബുക്ക് ക്യാമ്പസ്' വരുന്നു !
- സ്വപ്നയും റമീസും ഒരേസമയം ചികിത്സയ്ക്കായി ആശുപത്രിയിൽ; ജയിൽവകുപ്പ് റിപ്പോർട്ട് തേടി
ജനങ്ങള്ക്ക് വേണ്ടിയുള്ള പദ്ധതികള് അട്ടിമറിയ്ക്കാന് ചില മാധ്യമങ്ങള് ശ്രമിക്കുന്നതായി മുഖ്യമന്ത്രി
നാടിന്റെ വികസനത്തിനും ജനങ്ങളുടെ ക്ഷേമത്തിനും വേണ്ടി സര്ക്കാര് ചെയ്യുന്ന കാര്യങ്ങളെ അട്ടിമറിക്കാനാണ് ചില മാധ്യമങ്ങള് ശ്രമിക്കുന്നുതെന്ന് മുഖ്യമന്ത്രി പിണറായി വിജയന് പറഞ്ഞു. കോന്നി ഗവണ്മെന്റ് മെഡിക്കല് കോളേജിന്റെ ഒന്നാംഘട്ടം വീഡിയോ കോണ്ഫറന്സ് വഴി ഉദ്ഘാടനം ചെയ്യുകയായിരുന്നു മുഖ്യമന്ത്രി.
ജനങ്ങള് എന്ത് ആഗ്രഹിക്കുന്നുവോ, അതു നടക്കരുത് എന്ന ചിന്തയാണ് സംസ്ഥാനത്ത് ഒരു കൂട്ടരെ നയിക്കുന്നത്. ചില മാധ്യമങ്ങളും അതിനൊപ്പമാണ്. ഇന്ന് ഇറങ്ങിയ ഒരു പത്രത്തിന്റെ പ്രധാന തലക്കെട്ട് കണ്ടില്ലേ. ലൈഫ് മിഷന് എന്നാല് കൈക്കൂലിയുടെ പദ്ധതിയെന്ന പ്രതീതി വരുത്താനല്ലേ പത്രം ശ്രമിച്ചത്. അതാണോ സ്ഥിതി. കൂരയില്ലാത്ത 2.26 ലക്ഷം കുടുംബങ്ങള്ക്കല്ലേ വീട് കിട്ടിയത്. അവര് ഇന്ന് സ്വന്തം വീടുകളിലാണ്. ഓരോ പ്രദേശത്തും എങ്ങനെയാണ് വീടുകള് പൂര്ത്തിയാക്കിയതെന്ന് ജനങ്ങള്ക്കറിയാം. ബാക്കി വീടുകള് പൂര്ത്തിയാക്കാനുള്ള നടപടി ആരംഭിച്ചു കഴിഞ്ഞു. ഇതൊക്കെ നാടിന്റെ നേട്ടമായും അഭിമാനമായും വരുമ്പോള് അതിനെ കരിവാരിത്തേക്കണം. അതിനാണ് ഇത്തരം പ്രചാരണവും വാര്ത്തകളുമെന്ന് മുഖ്യമന്ത്രി പറഞ്ഞു.
