അനുബന്ധ വാര്ത്തകള്
- പുനലൂര് താലൂക്ക് ആശുപത്രിയില് ഇന്ജക്ഷന് നല്കിയതിനെ തുടര്ന്ന് 11 രോഗികള്ക്ക് പാര്ശ്വഫലം ഉണ്ടായ സംഭവം: നഴ്സിംഗ് ഓഫീസറേയും ഗ്രേഡ്2 അറ്റന്ഡറെയും സസ്പെന്ഡ് ചെയ്തു
- കോട്ടയത്ത് സ്വകാര്യബസും ബൈക്കും കൂട്ടിയിടിച്ച് അപകടം; 27കാരന് ദാരുണാന്ത്യം
- വിതുരയില് കരടിയുടെ ആക്രമണത്തില് ഗുരുതരമായി പരിക്കേറ്റയാളെ മെഡിക്കല് കോളേജ് ആശുപത്രിയില് പ്രവേശിപ്പിച്ചു
- പുനലൂര് താലൂക്ക് ആശുപത്രിയില് കുത്തിവെപ്പ് എടുത്തതിന് പിന്നാലെ കുട്ടികളുള്പ്പെടെ 11 രോഗികള്ക്ക് ശാരീരിക അസ്വസ്ഥത
- സംസ്ഥാനത്തെ സ്വകാര്യ ട്യൂഷന് സെന്ററുകളിലേയും പാരലല് കോളേജുകളിലെയും രാത്രികാല പഠന ക്ലാസ്സുകള്ക്ക് നിരോധനം
പ്ലസ് ടു പരീക്ഷ പാസാകുന്നവർക്ക് നേരിട്ട് ഡ്രൈവിങ് ലൈസൻസ്: പദ്ധതി തയ്യാറെന്ന് മന്ത്രി
ഹയര് സെക്കന്ഡറി വിഭാഗം പാഠ്യപദ്ധതിയില് റോഡ് സുരക്ഷാ അവബോധം സംബന്ധിച്ച പാഠങ്ങള് ഉള്പ്പെടുത്തുന്നതില് നടപടികളായെന്ന് മന്ത്രി ആന്റണി രാജു. റോഡ് സുരക്ഷ സംബന്ധിച്ച അവബോധം സ്കൂള് തലത്തില് നിന്ന് തന്നെ ആരംഭിക്കുന്നതിന്റെ മുന്നോടിയായാണ് നീക്കം. പ്ലസ് ടു പരീക്ഷ പാസായവര്ക്ക് ലേണിങ് ടെസ്റ്റ് ഒഴിവാക്കി നേരിട്ട് ലൈസന്സ് എടുക്കാനാവുന്ന തരത്തിലാണ് പദ്ധതി. ഇത് സംബന്ധിച്ച കാര്യങ്ങള് മുഖ്യമന്ത്രി,വിദ്യാഭ്യാസ മന്ത്രി എന്നിവര്ക്ക് സമര്പ്പിച്ചതായും ഗതാഗത മന്ത്രി വ്യക്തമാക്കി.
പാഠ്യപദ്ധതി സിലബസില് ഉള്പ്പെടുത്തുന്നതോടെ ചെറുപ്രായത്തില് തന്നെ കുട്ടികള് ട്രാഫിക് നിയമത്തില് തന്നെ ബോധാവാന്മാരാകും. ഇത് അപകടങ്ങള് കുറയ്ക്കാന് ഇടയാക്കും. ലേണിംഗ് ടെസ്റ്റിന്റെ ചിലവും ഇതിലൂടെ കുറയ്ക്കാന് സാധിക്കും. ഇതിനായി ഇംഗ്ലീഷ്,മലയാളം ഭാഷകളില് പുസ്തകങ്ങള് തയ്യാറാക്കി വിദ്യാഭ്യാസവകുപ്പിന് കൈമാറിയിട്ടുണ്ട്. നിലവില് ഡ്രൈവിങ് പഠിക്കുമ്പോള് ലഭിക്കുന്ന പ്രാഥമിക വിവരങ്ങള് മാത്രമാണ് ഡ്രൈവര്മാര്ക്കുള്ളത്. പാഠ്യപദ്ധതിയില് ഉള്പ്പെടുത്തുന്നതോടെ സമഗ്രമായ മാറ്റങ്ങള് ഇതിലുണ്ടാകും.
