അനുബന്ധ വാര്ത്തകള്
- ക്ഷേമ പെന്ഷന് തട്ടിപ്പ് നടത്തിയ ആരോഗ്യവകുപ്പ് ജീവനക്കാരുടെ പട്ടിക പുറത്തുവിട്ടു; തുക ഒന്നടങ്കം പലിശ സഹിതം തിരിച്ചുപിടിക്കും
- റോഡരികില് നിര്ത്തിയിട്ട കാരവന് നാട്ടുകാരില് സംശയം ജനിപ്പിച്ചു; തുറന്നു നോക്കിയപ്പോള് രണ്ടുപേര് മരിച്ച നിലയില്
- കാനന പാതയിലൂടെയുള്ള സഞ്ചാരസമയം ദീര്ഘിപ്പിച്ചു
- ഇപി ജയരാജന്റെ പ്രവര്ത്തനരംഗത്തെ പോരായ്മ കൊണ്ടാണ് കണ്വീനര് സ്ഥാനത്തുനിന്ന് മാറ്റിയതെന്ന് എംവി ഗോവിന്ദന്
- മദ്യവും മയക്കുമരുന്നും നല്കി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചു; രണ്ട് യുവാക്കള് അറസ്റ്റില്
തൃശൂര് പൂരം കലക്കല്: ബിജെപിയെ പ്രതിരോധത്തിലാക്കി മൊഴി, ഗോപാലകൃഷ്ണനും തില്ലങ്കേരിയും തിരുവമ്പാടി ദേവസ്വവുമായി ബന്ധപ്പെട്ടു
അതേസമയം എഡിജിപിയുടെ റിപ്പോര്ട്ടില് തിരുവമ്പാടി ദേവസ്വത്തിനെതിരെ ആരോപണമുണ്ടായിരുന്നു
Suresh Gopi, valsan Thillankeri and B Gopalakrishnan
ആര്എസ്എസ് നേതാവ് വല്സന് തില്ലങ്കേരിയും ബിജെപി സംസ്ഥാന വൈസ് പ്രസിഡന്റ് ബി.ഗോപാലകൃഷ്ണനും തൃശൂര് പൂരം കലങ്ങിയ ദിവസം തിരുവമ്പാടി ദേവസ്വവുമായി ബന്ധപ്പെട്ടിരുന്നുവെന്നു ദേവസ്വം ജോയിന്റ് സെക്രട്ടറി പി.ശശിധരന്റെ മൊഴി. ബിജെപിയെയും ആര്എസ്എസിനെയും പ്രതിരോധത്തിലാക്കുന്നതാണ് തിരുവമ്പാടി ദേവസ്വം ജോയിന്റ് സെക്രട്ടറിയുടെ മൊഴി. കഴിഞ്ഞ പൂരത്തിനു മാത്രമാണ് പതിവില്ലാതെ വല്സന് തില്ലങ്കേരിയുടെ സാന്നിധ്യം ശ്രദ്ധയില്പ്പെട്ടതെന്നും മൊഴിയില് ഉണ്ട്.
വെടിക്കെട്ട് ഉപേക്ഷിച്ച തീരുമാനം പുനഃപരിശോധിക്കാന് ചേര്ന്ന ദേവസ്വം കമ്മിറ്റി യോഗത്തില് സുരേഷ് ഗോപി പങ്കെടുത്തെന്നും വെടിക്കെട്ട് കമ്മിറ്റി കണ്വീനര് കൂടിയായിരുന്ന പി.ശശിധരന് മൊഴി നല്കി. പൂരം അട്ടിമറിയെക്കുറിച്ച് എഡിജിപി എം.ആര്.അജിത് കുമാര് സംസ്ഥാന പൊലീസ് മേധാവിക്കു നല്കിയ അന്വേഷണ റിപ്പോര്ട്ടിലാണു ശശിധരന്റെ മൊഴിയുള്ളത്.
തിരുവമ്പാടി ദേവസ്വത്തിന്റെ ടാഗ് ധരിച്ചെത്തിയയാളാണ് സുരേഷ് ഗോപിയെ ആംബുലന്സില് തിരുവമ്പാടി ദേവസ്വത്തിന്റെ യോഗം നടന്ന സ്ഥലത്തേക്കു സേവാഭാരതിയുടെ ആംബുലന്സില് എത്തിക്കാന് ആവശ്യപ്പെട്ടതെന്നും പറയുന്നു. സേവാഭാരതിയുടെ ആംബുലന്സ് ഡ്രൈവര് പ്രകാശന് നല്കിയ മൊഴിയിലാണ് ഇക്കാര്യം പറയുന്നു.
അതേസമയം എഡിജിപിയുടെ റിപ്പോര്ട്ടില് തിരുവമ്പാടി ദേവസ്വത്തിനെതിരെ ആരോപണമുണ്ടായിരുന്നു. പൂരം കലക്കിയത് തിരുവമ്പാടി ദേവസ്വമാണെന്നും റിപ്പോര്ട്ടില് പറയുന്നു. പൂരം കലക്കാന് തിരുവമ്പാടി ദേവസ്വം മുന്കൂട്ടി തീരുമാനം എടുത്തിരുന്നതായും സുന്ദര് മേനോന്, ഗിരീഷ്, വിജയമേനോന്, ഉണ്ണികൃഷ്ണന്, രവി എന്നിവര് പ്രവര്ത്തിച്ചതായും റിപ്പോര്ട്ടില് പറയുന്നുണ്ട്.
മുന്നിശ്ചയിച്ച പ്രകാരം പൂരം നിര്ത്തിവച്ചതായി തിരുവമ്പാടി ദേവസ്വം പ്രഖ്യാപിക്കുകയായിരുന്നു. ലോക്സഭാ തിരഞ്ഞെടുപ്പില് സര്ക്കാരിനെ സമ്മര്ദ്ദത്തിലാക്കുകയായിരുന്നു ലക്ഷ്യമെന്നും റിപ്പോര്ട്ടില് പറയുന്നു. എന്നാല് തിരുവമ്പാടിയെ മുന്നിര്ത്തി ഏത് രാഷ്ട്രീയ പാര്ട്ടിയാണ് നേട്ടമുണ്ടാക്കാന് ശ്രമിച്ചതെന്ന് റിപ്പോര്ട്ടില് പരാമര്ശിച്ചിട്ടില്ല. ബിജെപി സംസ്ഥാന വൈസ് പ്രസിഡന്റ് ബി.ഗോപാലകൃഷ്ണന്, ആര്എസ്എസ് നേതാവ് വത്സന് തില്ലങ്കേരി എന്നിവരുടെ മൊഴിയുടെ രൂപത്തില് അനുബന്ധമായി ഉള്പ്പെടുത്തിയിട്ടുണ്ട്.
