അനുബന്ധ വാര്ത്തകള്
- ഉണക്കാനിട്ട സ്ത്രീകളുടെ അടിവസ്ത്രങ്ങള് മോഷ്ടിച്ച 56 കാരന് അറസ്റ്റില്; കണ്ടെത്തിയത് 700 ല് അധികം അടിവസ്ത്രങ്ങള്
- കള്ളന് വീട്ടിലേക്ക് കടക്കാൻ ഗേറ്റു തടസമായാലോ, ആദ്യം അത് തന്നെ മോഷ്ടിച്ചു
- മോഷ്ടിച്ച കാറില് കുഞ്ഞ്; കുഞ്ഞിനെ ഒറ്റയ്ക്കിരുത്തിയതിന് മാതാവിനെ ശകാരിച്ച് കള്ളന്; പൊലീസില് പറയുമെന്ന് ഭീഷണിയും
- ആലപ്പുഴയില് ഹോട്ടല് ഉടമയെ സഹോദര പുത്രന് വെട്ടിപ്പരിക്കേല്പ്പിച്ചു
- മലപ്പുറത്ത് ക്വാറിയിലെ വെള്ളക്കെട്ടില് വീണ് സഹോദരങ്ങള് മരിച്ചു
വയോധികയും മകളും കള്ളനെ ബാത്ത്റൂമിൽ പൂട്ടിയിട്ടു പിടികൂടി
ചെറുതുരുത്തി: വയോധികയും മകളും മാത്രമുള്ള വീട്ടിൽ മോഷ്ടിക്കാൻ കയറിയ കള്ളനെ നയത്തിൽ ബാത്ത്റൂമിൽ പൂട്ടിയിട്ടു പിടികൂടി. ചെറുതുരുത്തി വരവൂർ ഗ്രാമ പഞ്ചായത്ത് ഓഫീസിനടുത്ത് ചങ്കരത്ത് പരേതനായ ശങ്കരൻ കുട്ടിയുടെ ഭാര്യ ദേവകി (66) ഇവരുടെ മാതാവ് കുഞ്ഞിക്കുട്ടിയമ്മ (100) എന്നിവരുടെ വീട്ടിലാണ് ബിഹാർ സ്വദേശിയായ മോഷ്ടാവ് പിടിയിലായത്.
കഴിഞ്ഞ ദിവസം രാത്രി ബാത്ത് റൂമിൽ ശബ്ദം കേട്ടപ്പോഴാണ് ആരോ അതിലുണ്ടെന്നു മനസിലായത്. തുടർന്ന് അമ്മയും മകളും ബാത്ത്റൂം പുറത്തുനിന്നു പൂട്ടി അയൽക്കാരനായ ഓട്ടോഡ്രൈവറെ ഫോണിൽ വിളിച്ചു. ഇയാൾക്കൊപ്പം അയൽക്കാരും കൂടി ചേർന്ന് ബാത്ത്റൂം തുറന്നപ്പോഴാണ് ബിഹാർ സ്വദേശിയായ രാജേഷ് പാസ്വാൻ എന്ന 28 കാരനെ പിടികൂടിയത്.
തുടർന്ന് പോലീസ് എത്തി ഇയാളെ കസ്റ്റഡിയിലെടുത്തു. നിർമ്മാണ തൊഴിലാളിയായ സഹോദരന്റെ അടുത്ത് രണ്ട് മാസം മുമ്പ് എത്തിയതാണ് ഇയാൾ എന്ന് പറയുന്നു. പിടിയിലായ പ്രതിയെ പോലീസ് കോടതിയിൽ ഹാജരാക്കി.
