അനുബന്ധ വാര്ത്തകള്
- രാജ്യത്ത് ഇന്ധനവില വീണ്ടും വര്ധിച്ചു; സംസ്ഥാനത്ത് ഡീസല് വില നൂറ് കടന്നു
- നാളെമുതല് എസ്എസ്എല്സി പരീക്ഷ;ആത്മവിശ്വാസത്തോടെ പരീക്ഷയെ നേരിടണമെന്ന് വിദ്യാഭ്യാസ മന്ത്രി
- സംസ്ഥാനത്ത് 438 പേർക്ക് കൊവിഡ്, ഒരു മരണം
- മിനിമം ചാര്ജ് പത്തുരൂപയാക്കുന്നത് അംഗീകരിക്കാന് സാധിക്കില്ലെന്ന് ബസുടമകളുടെ സംഘടനകള്
- സംസ്ഥാനത്ത് ബസ് ചാര്ജ് വര്ധിപ്പിക്കാന് സര്ക്കാര് അംഗീകാരം നല്കി
എസ്എസ്എല്സി പരീക്ഷകള് ഇന്നുമുതല് ആരംഭിക്കും; അവസാനിക്കുന്നത് ഏപ്രില് 29ന്
2022 മാര്ച്ച് 31 മുതല് ആരംഭിക്കുന്ന എസ്.എസ്.എല്.സി പരീക്ഷ നടത്തുന്നതിനുള്ള ഒരുക്കങ്ങള് പൂര്ത്തിയായി. 2022 മാര്ച്ച് 31 മുതല് 2022 ഏപ്രില് 29 വരെയാണ് പരീക്ഷ. കേരളത്തിനകത്തുള്ള 2943 കേന്ദ്രങ്ങളിലും ഗള്ഫ് മേഖലയിലെ 9 കേന്ദ്രങ്ങളിലും ലക്ഷദ്വീപിലെ 9 കേന്ദ്രങ്ങളിലുമായി ആകെ 2961 കേന്ദ്രങ്ങളിലാണ് എസ്.എസ്.എല്.സി പരീക്ഷ നടക്കുന്നത്. 4,26,999 റഗുലര് വിദ്യാര്ഥികളും പ്രൈവറ്റ് വിഭാഗത്തില് 408 വിദ്യാര്ഥികളുമാണ് പരീക്ഷയ്ക്കായി രജിസ്റ്റര് ചെയ്തിട്ടുള്ളത്. 2014 വിദ്യാര്ത്ഥികള് പരീക്ഷ എഴുതുന്ന മലപ്പുറം ജില്ലയിലെ പി കെ എം എം എച്ച് എസ് എടരിക്കോട് ആണ് ഏറ്റവും കൂടുതല് വിദ്യാര്ത്ഥികള് പരീക്ഷ എഴുതുന്ന കേന്ദ്രം.
മലയാളം മീഡിയത്തില് 1,91,787 വിദ്യാര്ത്ഥികളും ഇംഗ്ലീഷ് മീഡിയത്തില് 2,31,604 വിദ്യാര്ത്ഥികളും തമിഴ് മീഡിയത്തില് 2151 വിദ്യാര്ഥികളും കന്നട മീഡിയത്തില് 1457 വിദ്യാര്ത്ഥികളും എസ്.എസ്.എല്.സി പരീക്ഷ എഴുതും. ആകെ 2,18,902 ആണ്കുട്ടികളും 2,08,097 പെണ്കുട്ടികളുമാണ് പരീക്ഷയ്ക്കായി രജിസ്റ്റര് ചെയ്തിട്ടുള്ളത്.
