കൊച്ചി|
jibin|
Last Updated:
ബുധന്‍, 19 ഒക്‌ടോബര്‍ 2016 (19:55 IST)
ബിയര്‍ പാര്‍ലറുകളില്‍ നിന്നും ബിയറുകള്‍ വാങ്ങിക്കൊണ്ട് പോകാമെന്ന് ഹൈക്കോടതി. ബിയര്‍ വൈന്‍ പാര്‍ലറുകളില്‍ ഒന്നിലധികം കൌണ്ടറുകള്‍ തുറക്കുന്നതിന് തടസമില്ലെന്നും കോടതി വ്യക്തമാക്കി. അബ്‌കാരി ചട്ടങ്ങള്‍ക്ക് ഇത് തടസമല്ലെന്നും കോടതി വ്യക്തമാക്കി.
എക്‌സൈസ് കമ്മീഷണറായി ഋഷിരാജ് സിംഗ് ചുമതല ഏറ്റെടുത്തതിന് ശേഷം സംസ്ഥാനത്തെ ബിയര്‍ പാര്‍ലറുകളില്‍ നിന്നും പുറത്തേക്ക് ബിയര്‍ കൊടുത്തുവിടരുതെന്ന് നിര്‍ദേശം നല്‍കിയിരുന്നു. അഥവാ ബിയറുകള്‍ പുറത്തേക്ക് കൊടുത്തുവിടണമെങ്കില്‍ പൊട്ടിച്ചതിനുശേഷം മാത്രമെ കൊടുത്തുവിടാവുള്ളുവെന്നും സിംഗ് കര്‍ശന നിര്‍ദേശം നല്‍കിയിരുന്നു.
ഹൈക്കോടതി ഇക്കാര്യത്തില്‍ നിലപാട് വ്യക്തമാക്കിയതോടെ ഋഷിരാജ് സിംഗ് ഇപ്രകാരം ചുമത്തിയ കേസുകള്‍ അസാധുവാകും.
