അനുബന്ധ വാര്ത്തകള്
- സാമൂഹിക അകലം പാലിക്കാത്തതിനെ ചോദ്യംചെയ്ത മധ്യവയസ്കനെ വനിതകള് ആക്രമിച്ചു: മനോവിഷമത്തില് മധ്യവയസ്കന് തൂങ്ങിമരിച്ചു
- ഭാര്യയെ വെട്ടിക്കൊന്ന ശേഷം അന്യസംസ്ഥാനതൊഴിലാളിയായ ഭര്ത്താവ് തൂങ്ങിമരിച്ചു
- മൂന്നാര് മണ്ണിടിച്ചിലില് 24പേരുടെ മരണം സ്ഥിരീകരിച്ചു
- അപകടത്തിൽ മരിച്ചവരുടെ കുടുംബങ്ങൾക്ക് 10 ലക്ഷം, പരുക്കേറ്റവർക്ക് രണ്ടുലക്ഷം, ധനസഹായം പ്രഖ്യാപിച്ച് കേന്ദ്രം
- ഏതുനിമിഷവും തുറക്കാം; എട്ട് ഡാമുകളിൽ റെഡ് അലർട്ട് പ്രഖ്യാപിച്ച് കെഎസ്ഇബി
കനത്തമഴയ്ക്ക് സാധ്യത: അഞ്ചുജില്ലകളില് റെഡ് അലര്ട്ട് പ്രഖ്യാപിച്ചു
കേരളത്തില് വിവിധയിടങ്ങളില് അടുത്ത ദിവസങ്ങളില് അതിതീവ്ര മഴ ലഭിക്കാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. പൊതുജനങ്ങളോടും സര്ക്കാര് സംവിധാനങ്ങളോടും ഉരുള്പൊട്ടല്, മണ്ണിടിച്ചില്, താഴ്ന്ന പ്രദേശങ്ങളില് വെള്ളപ്പൊക്കം എന്നിവ മുന്നില് കണ്ട് കൊണ്ടുള്ള തയ്യറെടുപ്പുകള് നടത്താനും അതീവ ജാഗ്രത പാലിക്കാനും സംസ്ഥാന ദുരന്ത നിവാരണ അതോറിറ്റി നിര്ദേശിക്കുന്നു.
കണ്ണൂര്, വയനാട്, കോഴിക്കോട്, മലപ്പുറം, ഇടുക്കി എന്നീ ജില്ലകളില് റെഡ് അലര്ട്ട് പ്രഖ്യാപിച്ചു.
24 മണിക്കൂറില് 204.5 mm ല് കൂടുതല് മഴ ലഭിക്കാനുള്ള സാധ്യതയാണിത്. ഇത്തരത്തില് അതിതീവ്ര മഴ ലഭിക്കുന്നത് അപകട സാധ്യത വര്ധിപ്പിക്കും. നിലവില് കഴിഞ്ഞ 4 ദിവസമായി ശക്തമായ മഴ ലഭിക്കുന്ന വയനാട്, ഇടുക്കി ജില്ലകളിലും റെഡ് അലേര്ട്ട് പ്രഖ്യാപിച്ചിട്ടുള്ള ജില്ലകളിലും ദുരന്ത സാധ്യത മേഖലകളില് ഉള്ളവരെ ഉടനെ തന്നെ മുന്കരുതലിന്റെ ഭാഗമായി ക്യാമ്പുകളിലേക്ക് മാറ്റുന്നു.
