അനുബന്ധ വാര്ത്തകള്
- മഴ ശക്തം: അരുവിപ്പുറം സ്റ്റേഷനിലും തുമ്പമണ് സ്റ്റേഷനിലും മഞ്ഞ അലര്ട്ട് പ്രഖ്യാപിച്ചു
- പത്തനംതിട്ട ജില്ലയില് അതിശക്തമായ മഴയില് രണ്ടിടങ്ങളില് ഉരുള്പൊട്ടി
- ശബരിമലയില് ദര്ശനത്തിനെത്തിയ ആറുവയസുകാരിക്ക് പാമ്പുകടിയേറ്റു
- ഇപ്പോഴും കല്യാണം കഴിച്ചിട്ടില്ല,കാരണം ആ പ്രണയതകര്ച്ച, തുറന്നുപറഞ്ഞ് നടി നന്ദിനി
- പത്താം ക്ലാസ് തുല്യത പരീക്ഷ എഴുതാന് ഇന്ദ്രന്സ്, പാതിവഴിയില് മുടങ്ങിപ്പോയ പഠനം തുടങ്ങാന് മലയാളത്തിന്റെ പ്രിയ താരം
സംസ്ഥാനത്ത് മൂന്ന് ജില്ലകളില് ഓറഞ്ച് അലര്ട്ട് പ്രഖ്യാപിച്ചു; ആറുജില്ലകളില് യെല്ലോ അലര്ട്ട്
സംസ്ഥാനത്ത് മൂന്ന് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, ഇടുക്കി, കോഴിക്കോട് ജില്ലകളില് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിരിക്കുന്നു . ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്.
അതേസമയം തിരുവനന്തപുരം, ആലപ്പുഴ, എറണാകുളം, പാലക്കാട്, മലപ്പുറം, വയനാട് എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചു. 24 മണിക്കൂറില് 64.5 mm മുതല് 115.5 mm വരെയുള്ള മഴയാണ് ശക്തമായ മഴ കൊണ്ട് അര്ത്ഥമാക്കുന്നത്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
