അനുബന്ധ വാര്ത്തകള്
- സംസ്ഥാനത്ത് ഇന്നും നാളെയും കനത്ത മഴയ്ക്ക് സാധ്യത; ന്യൂനമർദ്ദം ശക്തി പ്രാപിച്ച് ചുഴലിക്കാറ്റാകുന്നു, ജാഗ്രതാ നിർദ്ദേശം പുറപ്പെടുവിച്ചു
- ഓഖിക്ക് പിന്നാലെ ലുബാൻ; ന്യൂനമർദ്ദം ശക്തിപ്രാപിക്കുന്നു, ഒമാനിലേക്ക് പോയ 152 മത്സ്യബന്ധന ബോട്ടുകള്ക്ക് മുന്കരുതല് സന്ദേശം നൽകും
- ബംഗാൾ ഉൾക്കടലിൽ ന്യൂനമർദ്ദം; കേരളത്തിൽ ബുധനാഴ്ചവരെ ശക്തമായ മഴയ്ക്ക് സാധ്യത
- മധ്യ കേരളത്തിലും വടക്കൻ കേരളത്തിലും മഴ തുടരാൻ സാധ്യത, തെക്കൻ കേരളത്തിൽ മഴയുടെ ശക്തി കുറയും
- ന്യൂനമർദം: കനത്ത മഴ മൂന്ന് ദിവസം കൂടി തുടരും
ആശങ്കയൊഴിഞ്ഞു; സംസ്ഥാനത്ത് മഴ കുറഞ്ഞു, ഇടുക്കിയിലും വയനാടും യെല്ലോ അലേർട്ട്, ന്യൂനമർദ്ദം തിങ്കളാഴ്ചയോടെ ‘ലുബാൻ’ ചുഴലിക്കാറ്റായി മാറും
ആശങ്കയൊഴിഞ്ഞു; സംസ്ഥാനത്ത് മഴ കുറഞ്ഞു, ഇടുക്കിയിലും വയനാടും യെല്ലോ അലേർട്ട്, ന്യൂനമർദ്ദം തിങ്കളാഴ്ചയോടെ ‘ലുബാൻ’ ചുഴലിക്കാറ്റായി മാറും
പ്രതീക്ഷിച്ച അതിതീവ്ര മഴ പെയ്യാത്തതിന്റെ ആശ്വാസത്തിലാണ് കേരളത്തിലെ ജനങ്ങൾ ഇപ്പോൾ. രണ്ട് ദിവസം കൂടി മഴ തുടരുമെങ്കിലും അത് കനത്ത മഴ ആയിരിക്കാൻ സാധ്യതയില്ലെന്നാണ് അറിയിപ്പുകൾ. മഴ തീവ്രമായിരിക്കും എന്ന് മുന്നറിയിപ്പ് ലഭിച്ചതിനെത്തുടർന്ന് കാലാവസ്ഥാ വകുപ്പ് ഇടുക്കിയിൽ റെഡ് അലേർട്ട് പ്രഖ്യാപിച്ചിരുന്നു. ചെറുതോണി ഡാമിലെ ഒരു ഷട്ടർ തുറന്ന് വെള്ളം പുറത്തേക്ക് ഒഴുക്കുകയും ചെയ്തിരുന്നു. ആശങ്ക ഒഴിവാക്കാനുള്ള മുൻകരുതലായിരുന്നു ഇത്.
എന്നാൽ, തുലാവർഷം വരുന്നതിനാൽ ചില ഡാമുകളുടെ ഷട്ടറുകൾ തുറന്നുവെക്കാനാണ് വൈദ്യുതി ബോർഡിന്റെ തീരുമാനം. അതേസമയം, അറബിക്കടലിൽ രൂപപ്പെട്ട ന്യൂനമർദം അകന്നുപോയതാണ് കേരളത്തിൽ മഴ കുറയാൻ കാരണം. ഒറ്റപ്പെട്ട മഴയ്ക്ക് സാധ്യതയുള്ളതിനാൽ ഇടുക്കിയിലും വയനാടും ഇന്ന് യെല്ലോ അലേർട്ട് പ്രഖ്യാപിച്ചിട്ടുണ്ട്.
അതിതീവ്രമഴയുടെ ആശങ്കപരത്തി അറബിക്കടലിൽ മിനിക്കോയിക്ക് അടുത്ത് രൂപംകൊണ്ട ന്യൂനമർദം ശക്തിപ്രാപിച്ച് തെക്കുപടിഞ്ഞാറേക്ക് നീങ്ങുകയാണ്. ഇതിനിയും ചുഴലിക്കാറ്റായി മാറിയിട്ടില്ല. ഇത് തിങ്കളാഴ്ചയോടെ ‘ലുബാൻ’ ചുഴലിക്കാറ്റായി യെമെൻ-ഒമാൻ തീരത്തേക്ക് നീങ്ങുമെന്നാണ് വിലയിരുത്തൽ.
