അനുബന്ധ വാര്ത്തകള്
- സംസ്ഥാനത്ത് ഇന്നും മഴ കനക്കും: ഓറഞ്ച്- യെല്ലോ അലര്ട്ടുകള് പ്രഖ്യാപിച്ചു
- മഴക്കാലം: കറന്റിനോട് സൂക്ഷിച്ച് ഇടപെടണം, വൈദ്യുതാഘാതമേറ്റാല് ചെയ്യേണ്ടതെന്ത്?
- സ്വകാര്യ ബസ്സിടിച്ചു പതിനേഴുകാരന് ദാരുണാന്ത്യം
- കടത്തിണ്ണയിൽ ഉറങ്ങിക്കിടന്ന യുവാവിനെ തലയ്ക്കടിച്ചു കൊന്നു : തമിഴ്നാട് സ്വദേശി പിടിയിൽ
- എട്ടുമണി കഴിഞ്ഞാൽ സ്ത്രീകൾ പറയുന്നിടത്ത് ബസ് നിർത്തണം, കണ്ടക്ടർമാർക്ക് നിർദേശം നൽകി ഗണേഷ്കുമാർ
Kerala Weather: മഴയ്ക്ക് ശമനമില്ല ! മുന്നറിയിപ്പുകള് ശ്രദ്ധിക്കുക
തിരുവനന്തപുരം, കൊല്ലം, ഇടുക്കി, തൃശൂര് ജില്ലകളില് യെല്ലോ അലര്ട്ടാണ് പുറപ്പെടുവിച്ചിരിക്കുന്നത്
Kerala Weather
Kerala Weather: സംസ്ഥാനത്ത് വരും മണിക്കൂറുകളിലും ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില് ഇന്ന് ഓറഞ്ച് അലര്ട്ട്. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
തിരുവനന്തപുരം, കൊല്ലം, ഇടുക്കി, തൃശൂര് ജില്ലകളില് യെല്ലോ അലര്ട്ടാണ് പുറപ്പെടുവിച്ചിരിക്കുന്നത്. ഈ ജില്ലകളില് ഒറ്റപ്പെട്ട ശക്തമായ മഴ ലഭിക്കും.
അതിതീവ്ര മഴ അപകടങ്ങള് സൃഷ്ടിക്കും. കുറഞ്ഞ സമയം കൊണ്ട് വലിയ മഴയുണ്ടാകുന്ന രീതിയാണ് പ്രതീക്ഷിക്കുന്നത്. അത് മലവെള്ളപ്പാച്ചിലും മിന്നല് പ്രളയങ്ങളും സൃഷ്ടിച്ചേക്കാം. നഗരപ്രദേശങ്ങളിലും പൊതുവെ താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും സാധ്യതയുണ്ട്. മഴ തുടരുന്ന സാഹചര്യം മണ്ണിടിച്ചിലും ഉരുള്പ്പൊട്ടലും സൃഷ്ടിച്ചേക്കാം. പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കണം.
തെക്കന് തമിഴ്നാടിനു മുകളില് ചക്രവാതചുഴി നിലനില്ക്കുന്നു. ഇതിന്റെ ഫലമായി കേരളത്തില് അടുത്ത ഏഴ് ദിവസം വ്യാപകമായ ഇടി/മിന്നല്/കാറ്റ് എന്നിവയോടു കൂടിയ ഇടത്തരം മഴയ്ക്ക് സാധ്യതയുണ്ട്. അടുത്ത മൂന്നോ നാലോ ദിവസത്തിനുള്ളില് കാലവര്ഷം കേരളത്തില് എത്തിച്ചേരാനാണ് സാധ്യത.
തെക്കന് കേരളതീരം, ലക്ഷദ്വീപ് തീരം എന്നിവിടങ്ങളില് മത്സ്യബന്ധനത്തിന് പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
