അനുബന്ധ വാര്ത്തകള്
- Rahul Mamkootathil: പീഡനക്കേസ് പ്രതി രാഹുല് മാങ്കൂട്ടത്തിലിനെ കണ്ടെത്താന് 14 ജില്ലകളിലും പ്രത്യേക സംഘം; സുഹൃത്തുക്കളെ ചോദ്യം ചെയ്യും
- Rahul Mamkootathil: ഗതികെട്ട് രാഹുല് മാങ്കൂട്ടത്തില്; ശബ്ദരേഖ തന്റേതെന്ന് സമ്മതിച്ചു, ഏറ്റുപറച്ചില് ജാമ്യം കിട്ടാന്
- കോണ്ഗ്രസിന്റെ കടന്നല് കൂട്ടം ഇളകി, സതീശനടക്കമുള്ള നേതാക്കളെ പോലും വെറുതെ വിട്ടില്ല, ഡിജിറ്റല് മീഡിയ സെല്ലില് അഴിച്ചുപണിയുമായി എഐസിസി
- December Bank Holidays
- തദ്ദേശ തിരഞ്ഞെടുപ്പ്: സ്വകാര്യ മേഖലയിലുള്ളവര്ക്കും വോട്ട് ചെയ്യാന് വേതനത്തോടുകൂടിയ അവധി
രാഹുല് മാങ്കൂട്ടത്തില് പാലക്കാട് നിന്ന് മുങ്ങിയത് ഒരു നടിയുടെ കാറിലെന്ന് സൂചന
കാര് സഞ്ചരിച്ച വഴി കേന്ദ്രീകരിച്ചും പൊലീസ് അന്വേഷണം നടത്തുകയാണ്. അതേസമയം രാഹുലുമായി ബന്ധമുള്ള നടിയെ കുറിച്ച് അന്വേഷണസംഘവും വിവരം തേടുകയാണ്
രാഹുല് മാങ്കൂട്ടത്തില് പാലക്കാട് നിന്നു രക്ഷപ്പെട്ടത് ചുവപ്പ് പോളോ കാറിലെന്നു നിഗമനം. തലേദിവസം ഈ കാര് പാലക്കാട്ടേക്ക് എത്തിച്ചു. രാഹുല് മാങ്കൂട്ടത്തിലിന്റെ പേഴ്സണല് സ്റ്റാഫുകളുടെ മൊഴിയെടുത്തപ്പോള് ആണ് നടിയുടെ കാറിലാണ് എംഎല്എ പാലക്കാട് നിന്ന് പോയതെന്ന വിവരം ലഭിച്ചത്.
കാര് സഞ്ചരിച്ച വഴി കേന്ദ്രീകരിച്ചും പൊലീസ് അന്വേഷണം നടത്തുകയാണ്. അതേസമയം രാഹുലുമായി ബന്ധമുള്ള നടിയെ കുറിച്ച് അന്വേഷണസംഘവും വിവരം തേടുകയാണ്. അടുത്ത കാലത്ത് രണ്ടു നടിമാര് രാഹുലിന്റെ നേതൃത്വത്തില് നിര്മിക്കുന്ന വീടിന്റെ തറക്കല്ലിടീല് ചടങ്ങിനെത്തിയിരുന്നു. ഇവരെ കേന്ദ്രീകരിച്ചും അന്വേഷണം നടത്തുന്നുവെന്നാണ് അനൗദ്യോഗിക വിവരം. ചടങ്ങിന് നടിമാരെത്തുന്നതിന്റേയും സംസാരിക്കുന്നതിന്റേയും ദൃശ്യങ്ങള് രാഹുല് മാങ്കൂട്ടത്തില് തന്നെ സോഷ്യല്മീഡിയയില് പോസ്റ്റ് ചെയ്തിരുന്നു.
ഡിസംബര് മൂന്ന് (ബുധന്) രാഹുലിന്റെ മുന്കൂര് ജാമ്യാപേക്ഷ പരിഗണിക്കും. ജാമ്യാപേക്ഷയില് തീരുമാനമാകും മുന്പ് രാഹുലിനെ അറസ്റ്റ് ചെയ്യുന്നതിനു തടസമില്ലെന്നാണ് പൊലീസിനു ലഭിച്ചിരിക്കുന്ന നിര്ദേശം. എന്നാല് കോടതിയുടെ നിലപാട് അറിഞ്ഞ ശേഷമായിരിക്കും അറസ്റ്റെന്നാണ് വിവരം.
