അനുബന്ധ വാര്ത്തകള്
- Rahul Mamkootathil: ഗതികെട്ട് രാഹുല് മാങ്കൂട്ടത്തില്; ശബ്ദരേഖ തന്റേതെന്ന് സമ്മതിച്ചു, ഏറ്റുപറച്ചില് ജാമ്യം കിട്ടാന്
- രാഹുല് വിഴുപ്പ്, ചുമക്കേണ്ട ബാധ്യത കോണ്ഗ്രസിനില്ല; പുറത്താക്കാന് സാധ്യത
- പീഡനത്തിനു ശേഷം നഗ്നദൃശ്യം പകര്ത്തി യുവതിയെ ഭീഷണിപ്പെടുത്തി; എഫ്ഐആറില് ഞെട്ടിക്കുന്ന വിവരങ്ങള്, രാഹുലിനെതിരെ ലുക്ക്ഔട്ട് നോട്ടീസ് ?
- എസ്ഐആർ സമയപരിധി നീട്ടി, ഫോമുകൾ തിരിച്ചുനൽകാൻ ഡിസംബർ 11 വരെ സമയം
- മണ്ഡലകാലം രണ്ടാഴ്ച്ച തികയുമ്പോൾ ശബരിമലയിൽ എത്തിയത് 12 ലക്ഷത്തിനടുത്ത് തീർത്ഥാടകർ
Rahul Mamkootathil: പീഡനക്കേസ് പ്രതി രാഹുല് മാങ്കൂട്ടത്തിലിനെ കണ്ടെത്താന് 14 ജില്ലകളിലും പ്രത്യേക സംഘം; സുഹൃത്തുക്കളെ ചോദ്യം ചെയ്യും
രാഹുലിന്റെ ഫോണ് കേന്ദ്രീകരിച്ച് അന്വേഷണം നടത്തിയിരുന്നു
Rahul Mamkootathil: ലൈംഗിക പീഡനക്കേസ് അറസ്റ്റ് പേടിച്ചു ഒളിവില് കഴിയുന്ന രാഹുല് മാങ്കൂട്ടത്തില് എംഎല്എയ്ക്കായി അന്വേഷണം ഊര്ജ്ജിതം. രാഹുലിനെ കണ്ടെത്താന് ഓരോ ജില്ലകളിലും പൊലീസ് സംഘങ്ങളെ നിയോഗിച്ചിട്ടുണ്ട്. കേസ് അന്വേഷണത്തിനായി തിരുവനന്തപുരം സിറ്റി പൊലിസിന്റെ കീഴില് പ്രത്യേക സംഘമുണ്ട്. ഇതിന് പുറമേ ഓരോ ജില്ലകളിലും രാഹുലിനെ കണ്ടെത്തനായി ഓരോ സംഘങ്ങളെയും ജില്ലാ പൊലീസ് മേധാവിമാരുടെ നേതൃത്വത്തില് നിയോഗിച്ചിരിക്കുകയാണ്.
രാഹുലിന്റെ ഫോണ് കേന്ദ്രീകരിച്ച് അന്വേഷണം നടത്തിയിരുന്നു. എന്നാല് എവിടെയാണ് ഒളിവില് കഴിയുന്നതെന്ന് കണ്ടെത്താനായില്ല. ക്രമസമാധാന ചുമതലയുള്ള എഡിജിപിയുടെ നിര്ദ്ദേശ പ്രകാരമാണ് ഓരോ ജില്ലയിലും പ്രത്യേക പരിശോധന. രാഹുലിനൊപ്പം കേസിലെ മറ്റൊരു പ്രതിയായ ജോബി ജോസഫിനായും തെരച്ചില് പുരോഗമിക്കുകയാണ്. അതേസമയം രാഹുലുമായി ബന്ധമുള്ള ചിലരെ ഇന്ന് പൊലീസ് ചോദ്യം ചെയ്യും. ചോദ്യം ചെയ്യലിനായി ഇവര്ക്ക് നോട്ടീസ് നല്കിയിട്ടുണ്ട്. രാഹുല് ഒളിവില് കഴിയുന്നതിനെ കുറിച്ച് അടുത്ത സുഹൃത്തുക്കള്ക്കു അറിയാമെന്നാണ് പൊലീസ് കരുതുന്നത്.
ഡിസംബര് മൂന്ന് (ബുധന്) രാഹുലിന്റെ മുന്കൂര് ജാമ്യാപേക്ഷ പരിഗണിക്കും. ജാമ്യാപേക്ഷയില് തീരുമാനമാകും മുന്പ് രാഹുലിനെ അറസ്റ്റ് ചെയ്യുന്നതിനു തടസമില്ലെന്നാണ് പൊലീസിനു ലഭിച്ചിരിക്കുന്ന നിര്ദേശം. എന്നാല് കോടതിയുടെ നിലപാട് അറിഞ്ഞ ശേഷമായിരിക്കും അറസ്റ്റെന്നാണ് വിവരം.
അടുത്ത ലേഖനം
