അനുബന്ധ വാര്ത്തകള്
- ലോക്ഡൗണ് കാലത്ത് ഗാര്ഹികപീഡനവുമായി ബന്ധപ്പെട്ട് പോലീസിന് ലഭിച്ചത് 2868 പരാതികള്; 2757 എണ്ണം തീര്പ്പാക്കി
- തദ്ദേശ തെരഞ്ഞെടുപ്പ്:പത്രികാ സമര്പ്പണവും വിജ്ഞാപനവും നാളെ മുതല്
- തദ്ദേശ തിരഞ്ഞെടുപ്പ്: വോട്ടിങ് മെഷീനുകളുടെ ആദ്യ പരിശോധന പൂര്ത്തിയായി
- സംസ്ഥാനത്ത് ഇന്ന് 6010 പേർക്ക് കൊവിഡ്, 28 മരണം, 6698 പേർക്ക് രോഗമുക്തി
- കേരളത്തിലും ബിജെപി അധികാരം നേടുമെന്ന് കെ സുരേന്ദ്രൻ
പോസ്റ്റ് കോവിഡ്: ശ്വസന വ്യായാമങ്ങള് വളരെ ഗുണം ചെയ്യുമെന്ന് ആരോഗ്യമന്ത്രി
തിരുവനന്തപുരം: കോവിഡ് ശ്വാസകോശത്തെ ഗുരുതരമായി ബാധിക്കുന്ന അസുഖമായതിനാല് രോഗമുക്തി നേടിയവരും പോസ്റ്റ് കോവിഡ് സാഹചര്യങ്ങളിലും ശ്വസന വ്യായാമങ്ങള് ചെയ്യുന്നത് ഏറെ ഗുണം ചെയ്യുമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്. നിലവില് ശ്വാസകോശ സംബന്ധമായ അസുഖങ്ങളുള്ളവരാണെങ്കില് ശ്വസന വ്യായാമങ്ങളെ കൂടുതല് ഗൗരവത്തോടെ സമീപിക്കുകയും വേണം. കോവിഡിന്റെ ഭീഷണിയെ അതിജീവിക്കാമെന്നതോടൊപ്പം തന്നെ നിലവിലുള്ള മറ്റ് പല ശാരീരിക ബുദ്ധിമുട്ടുകളെയും തരണം ചെയ്ത് ആരോഗ്യകരമായ ജീവിതം തുടര്ന്ന് നയിക്കുവാനും സഹായകരമാകുന്നു. ഇത് മുന്നില് കണ്ടാണ് പള്മണറി റിഹാബിലിറ്റേഷന് പ്രാധാന്യം നല്കുന്നതെന്നും മന്ത്രി വ്യക്തമാക്കി.
പള്മണറി റിഹാബിലിറ്റേഷന് പ്രവര്ത്തനങ്ങളില് ശ്വസന വ്യായാമങ്ങളും അതോടൊപ്പം പേശികളുടെ ശക്തി മെച്ചപ്പെടുത്തുന്നതിനുള്ള വ്യായാമങ്ങളും ഉള്പ്പെടുന്നു. ഗാര്ഹിക വ്യായാമ ക്രമങ്ങള് ആശുപത്രി അധിഷ്ഠിത വ്യായാമ മുറകള് പോലെ ഫലപ്രദമാണ്. വ്യായാമങ്ങളിലും മറ്റു പ്രവര്ത്തനങ്ങളിലും ഏര്പ്പെടുമ്പോള് ഹൃദയ മിടിപ്പും ശരീരത്തിലെ ഓക്സിജന്റെ നിലയും അറിയുന്നതിനായി പള്സ് ഓക്സിമീറ്റര് ഉപയോഗിക്കാവുന്നതാണ്.
