അനുബന്ധ വാര്ത്തകള്
- ഒമിക്രോണ് സബ് വേരിയന്റായ ബിഎ.2 ഇന്ത്യയില് വര്ധിക്കുന്നതായി കേന്ദ്രം
- ഈരാറ്റുപേട്ടയില് ഇന്സ്റ്റഗ്രാം സുഹൃത്തിനൊപ്പം നാടുവിട്ട വിദ്യാര്ത്ഥിനിയെ കണ്ടെത്തി
- സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 51,739 പേര്ക്ക്; പരിശോധിച്ചത് 1,16,003 സാമ്പിളുകള്
- മിഥുനം രാശിക്കാര്ക്ക് 2022 എങ്ങനെ?
- ശീതക്കാറ്റ്: പത്തു സംസ്ഥാനങ്ങള്ക്ക് മുന്നറിയിപ്പ്
കോവിഡ് രോഗമുക്തി നേടിയവരില് ആരോഗ്യ പ്രശ്നങ്ങള്: സംസ്ഥാനത്ത് എല്ലാ ആരോഗ്യ സ്ഥാപനങ്ങളിലും പോസ്റ്റ് കോവിഡ് ക്ലിനിക്കുകള് വരുന്നു
സംസ്ഥാനത്ത് കോവിഡ് രോഗമുക്തി നേടിയവരില് കൂടുതല് ആരോഗ്യ പ്രശ്നങ്ങള് കാണുന്നതിനാല് എല്ലാ ആരോഗ്യ സ്ഥാപനങ്ങളിലും പോസ്റ്റ് കോവിഡ് ക്ലിനിക്കുകള് ശക്തമാക്കിയതായി ആരോഗ്യ മന്ത്രി വീണാ ജോര്ജ്. പ്രാഥമിക ആരോഗ്യതലം മുതല് മെഡിക്കല് കോളേജുകള് വരെയും സ്വകാര്യ ആശുപത്രികളിലും പോസ്റ്റ് കോവിഡ് സേവനങ്ങള് ലഭ്യമാക്കിയിട്ടുണ്ട്. കോവിഡ് അതിതീവ്ര വ്യാപന സമയത്ത് ഏതാണ്ടത്രയും പേര് തന്നെ കോവിഡ് മുക്തരാകാറുണ്ട്.
കോവിഡ് മുക്തരായവരില് കണ്ടു വരുന്ന വിവിധ തരം രോഗലക്ഷണങ്ങള് ശ്രദ്ധിച്ചില്ലെങ്കില് ഗുരുതരമാകും. കോവിഡ് മുക്തരായ എല്ലാവര്ക്കും പോസ്റ്റ് കോവിഡ് ക്ലിനിക്കുകളുടെ സേവനം ലഭിക്കത്തക്കവിധമാണ് ക്ലിനിക്കുകള് സജ്ജമാക്കിയിട്ടുള്ളതെന്ന് മന്ത്രി വ്യക്തമാക്കി.
പ്രാഥമിക ആരോഗ്യ കേന്ദ്രങ്ങള്, കുടുംബാരോഗ്യ കേന്ദ്രങ്ങള്, സാമൂഹിക ആരോഗ്യ കേന്ദ്രങ്ങള് എന്നിവിടങ്ങളില് തിങ്കള് മുതല് ശനി വരെ ഉച്ചയ്ക്ക് 12 മണി മുതല് 2 മണി വരെയും ജനറല്, ജില്ലാ, താലൂക്ക് ആശുപത്രികളിലും മെഡിക്കല് കോളേജുകളിലും എല്ലാ ദിവസവും സ്വകാര്യ ആശുപത്രികളില് മാനേജ്മെന്റ് നിശ്ചയിക്കുന്ന ദിവസങ്ങളിലും പോസ്റ്റ് കോവിഡ് ക്ലിനിക്കുകള് പ്രവര്ത്തിക്കും.
