അനുബന്ധ വാര്ത്തകള്
- Kerala Weather: ബംഗാള് ഉള്ക്കടലില് പുതിയ ന്യൂനമര്ദ്ദത്തിനു സാധ്യത, നാലിടത്ത് ഓറഞ്ച് അലര്ട്ട്
- അറബിക്കടലില് തീവ്ര ന്യൂനമര്ദ്ദം; വരും മണിക്കൂറുകളില് സംസ്ഥാനത്ത് ശക്തമായ മഴ
- Kerala Weather: സംസ്ഥാനത്ത് പരക്കെ മഴയ്ക്കു സാധ്യത; എല്ലാ ജില്ലകളിലും മുന്നറിയിപ്പ്
- അറബിക്കടലിലെയും ബംഗാള് ഉള്ക്കടലിലെയും ന്യൂനമര്ദ്ദങ്ങള് തീവ്രന്യൂനമര്ദ്ദമായി ശക്തി പ്രാപിക്കുന്നു
- Kerala Weather: റെഡ് അലര്ട്ട്, ഈ ജില്ലകളിലെ വിദ്യാഭ്യാസ സ്ഥാപനങ്ങള്ക്കു അവധി
പീച്ചി ഡാം ഷട്ടറുകള് ഉയര്ത്തുന്നു; പുഴയോരത്ത് ജാഗ്രതാ നിര്ദേശം
കെ.എസ്.ഇ.ബി ചെറുകിട വൈദ്യുതി നിലയത്തില് സാങ്കേതിക തടസ്സം നേരിട്ടതിനെ തുടര്ന്നാണ് ഷട്ടറുകള് ഉയര്ത്താന് തീരുമാനിച്ചത്
തൃശൂര് പീച്ചി ഡാമിലെ ജലനിരപ്പ് നിയന്ത്രിക്കുന്നതിനായി ഇന്ന് (ഒക്ടോബര് 24) ഉച്ചയ്ക്ക് 12 മണിക്ക് നാല് സ്പില്വേ ഷട്ടറുകള് രണ്ട് ഇഞ്ച് (5 സെന്റിമീറ്റര്) വീതം ഉയര്ത്തുമെന്ന് പീച്ചി അസിസ്റ്റന്റ് എക്സിക്യൂട്ടീവ് എഞ്ചിനീയര് അറിയിച്ചു.
കെ.എസ്.ഇ.ബി ചെറുകിട വൈദ്യുതി നിലയത്തില് സാങ്കേതിക തടസ്സം നേരിട്ടതിനെ തുടര്ന്നാണ് ഷട്ടറുകള് ഉയര്ത്താന് തീരുമാനിച്ചത്. ഇന്നലെ (23.10.2025) രാവിലെ മുതല് നിലയം വഴി വെള്ളം പുറത്തേക്കൊഴുക്കിയിരുന്നുവെങ്കിലും അറ്റകുറ്റപ്പണികള് പൂര്ത്തിയാകുന്നത് വരെ നിലയത്തിലൂടെയുള്ള ഒഴുക്ക് തടസ്സപ്പെടുമെന്ന സാഹചര്യത്തിലാണ് ഷട്ടറുകള് ഉയര്ത്തി ഡാമിലെ ജലനിരപ്പ് നിയന്ത്രിക്കുന്നത്.
ഷട്ടറുകള് ഉയര്ത്തുന്നതിലൂടെ മണലി, കരുവന്നൂര് പുഴകളിലെ ജലനിരപ്പ് നിലവിലേതില് നിന്നും ഏകദേശം 20 സെന്റിമീറ്റര് കൂടി ഉയരാന് സാധ്യതയുണ്ട്. അതിനാല് പുഴകളുടെ തീരത്ത് താമസിക്കുന്നവരും പുഴയോരത്ത് ജോലിയെടുക്കുന്നവരും കര്ശനമായ ജാഗ്രത പാലിക്കണമെന്ന് അധികൃതര് മുന്നറിയിപ്പ് നല്കി.
