അനുബന്ധ വാര്ത്തകള്
- സംസ്ഥാനത്ത് ഇതുവരെ വാക്സിന് സ്വീകരിച്ചവര് 1,59,325 പേര്
- സംസ്ഥാനത്ത് ഇന്നലെ കോവിഡ് വാക്സിന് സ്വീകരിച്ചത് 22,852 ആരോഗ്യ പ്രവര്ത്തകര്
- പ്രശസ്ത ഗായകന് സോമദാസ് ചാത്തന്നൂര് അന്തരിച്ചു
- സെറം ഇന്സ്റ്റിറ്റ്യൂട്ടിന്റെ പുതിയ കൊവിഡ് വാക്സിന് ജൂണ് മുതല് വിപണനത്തിന്
- രമേശ് ചെന്നിത്തല നയിക്കുന്ന ഐശ്വര്യ കേരളയാത്രയ്ക്ക് ഇന്ന് കാസര്കോട്ട് തുടക്കം
മറ്റു സംസ്ഥാനങ്ങളെ വച്ച് കോവിഡ് നിയന്ത്രണത്തില് കേരള സര്ക്കാര് വന് പരാജയമെന്ന് ഉമ്മന് ചാണ്ടി
കോവിഡ് മഹാമാരി കടന്നുവന്ന് ഒരു വര്ഷം കഴിയുമ്പോള് മറ്റു സംസ്ഥാനങ്ങള് കോവിഡിനെ നിയന്ത്രിച്ചെങ്കിലും കേരളം വന്പരാജയമായെന്ന് മുന്മുഖ്യമന്ത്രി ഉമ്മന് ചാണ്ടി. ഇതെക്കുറിച്ചു പഠിക്കാന് ബന്ധപ്പെട്ട എല്ലാ വിഭാഗം വിദഗ്ധരെയും ഉള്പ്പെടുത്തി അടിയന്തരമായി സമതി രൂപീകരിക്കണമെന്നും അദ്ദേഹം ആവശ്യപ്പെട്ടു.
ഏതു മാനദണ്ഡം ഉപയോഗിച്ചാലും കേരളത്തിന്റെ പരാജയം സുവ്യക്തം. രാജ്യത്ത് ഏറ്റവും കൂടുതല് പേര് ചികിത്സയിലുള്ള 10 ജില്ലകളില് 7ഉം കേരളത്തിലാണ്. രാജ്യത്ത് പ്രതിദിനമുള്ള കേസുകളില് അമ്പതു ശതമാനവും ഇവിടെ. ആകെ കേസുകളില് മൂന്നാമതും നിലവില് ചികിത്സയിലുള്ളവരുടെ എണ്ണത്തില് ഒന്നാമതുമാണ്. ടെസ്റ്റ് പോസിറ്റിവിറ്റി നിരക്ക് ഉയരത്തില്. 3722 മരണങ്ങളുമായി രാജ്യത്ത് പന്ത്രണ്ടാമത്. ഇതില് കൂടുതല് പേര് മരിച്ചിട്ടുണ്ടെന്നാണ് അനൗദ്യോഗിക കണക്ക്. സര്ക്കാരിന്റെ കോവിഡ് ഡേറ്റ വിശ്വാസയോഗ്യമല്ലെന്നാണ് പ്രശസ്ത സാംക്രമികരോഗ വിദഗ്ധന് ഡോ രാമന് കുട്ടി ടൈംസ് ഓഫ് ഇന്ത്യയില് ചൂണ്ടിക്കാട്ടിയത്.
