അനുബന്ധ വാര്ത്തകള്
- ബെംഗളുരുവിൽ സംഘർഷം: പൊലീസ് വെടിവയ്പ്പിൽ രണ്ട് മരണം, 110 പേർ അറസ്റ്റിൽ
- മലപ്പുറം ജില്ലയില് കോവിഡ് രോഗികള് കൂടുന്ന സാഹചര്യത്തില് ഞായറാഴ്ച സമ്പൂര്ണ ലോക്ക്ഡൗണ്
- പാര്ട്ടി നേതൃത്വം ഏറ്റെടുക്കണമെന്നാവശ്യപ്പെട്ട് രാഹുല് ഗാന്ധിക്ക് രമേശ് ചെന്നിത്തലയുടെ കത്ത്
- തീരദേശത്ത് ഇന്നുരാത്രി വരെ ശക്തമായ തിരമാലകള്ക്ക് സാധ്യത
- ഓണക്കിറ്റ് വിതരണം വ്യാഴാഴ്ച മുതൽ, മുഴുവൻ റേഷൻ കാർഡ് ഉടമകൾക്കും നൽകും
നാളെമുതല് സംസ്ഥാനത്ത് റേഷന്കാര്ഡ് ഉടമകള്ക്ക് ഓണക്കിറ്റ് വിതരണം ആരംഭിക്കും
ഓണത്തോടനുബന്ധിച്ച് സംസ്ഥാനത്തെ 88 ലക്ഷത്തോളം വരുന്ന റേഷന്കാര്ഡ് ഉടമകള്ക്ക് 11 ഇനം പലവ്യഞ്ജനങ്ങള് ഉള്പ്പെടുന്ന ഓണക്കിറ്റ് വ്യാഴാഴ്ച വിതരണം ചെയ്തു തുടങ്ങും. രണ്ടായിരത്തോളം പാക്കിങ് കേന്ദ്രങ്ങളില് ഗുണനിലവാരവും തൂക്കവുമെല്ലാം പരിശോധിച്ച് സന്നദ്ധപ്രവര്ത്തകരുള്പ്പെടെയുള്ളവരുടെ സഹായത്തോടെയാണ് കിറ്റുകള് തയ്യാറാക്കുന്നത്. ഉദ്ദേശം 500 രൂപ വിലയുള്ള ഉല്പന്നങ്ങളാണ് കിറ്റില് ഉണ്ടാകുക. സപ്ലൈകോ വിവിധ കേന്ദ്രങ്ങളില് പാക്ക് ചെയ്യുന്ന കിറ്റുകള് റേഷന് കടകളില് എത്തിച്ചാണ് വിതരണം നടത്തുന്നത്.
ആദ്യഘട്ടത്തില് വിതരണം നടത്തുന്നത് അന്ത്യോദയ വിഭാഗത്തില്പെട്ട 5.95 ലക്ഷം കുടുംബങ്ങള്ക്കാണ്. ആഗസ്റ്റ് 13, 14, 16 തീയതികളില് അന്ത്യോദയ വിഭാഗത്തിനുള്ള (മഞ്ഞ കാര്ഡുകള്ക്ക്) കിറ്റ് വിതരണം ചെയ്യും. തുടര്ന്ന് 19, 20, 21, 22 തീയതികളിലായി മുന്ഗണനാ വിഭാഗങ്ങള്ക്കുള്ള (പിങ്ക് കാര്ഡുകള്ക്ക്) കിറ്റുകള് വിതരണം ചെയ്യും. ഓണത്തിന് മുമ്പായി ശേഷിച്ച 51 ലക്ഷത്തോളമുള്ള കുടുംബങ്ങള്ക്കുള്ള (നീല, വെള്ള കാര്ഡുകള്ക്ക്) കിറ്റുകളുടെ വിതരണവും നടക്കും. ഇതുകൂടാതെ ഓണം ചന്തകള് എല്ലാ ജില്ലാ കേന്ദ്രങ്ങളിലും ആഗസ്റ്റ് 21 മുതല് 10 ദിവസത്തേക്ക് നടത്തും.
