ജര്മ്മനിയിലേയ്ക്കുളള നഴ്സുമാരുടെ റിക്രൂട്ട്മെന്റ്: മൂന്നാം എഡിഷനിലേയ്ക്ക് ഇപ്പോള് അപേക്ഷിക്കാം
നോര്ക്ക റൂട്ട്സും ജര്മ്മന് ഫെഡറല് എംപ്ലോയ്മെന്റ് ഏജന്സിയും ജര്മ്മന് ഏജന്സി ഫോര് ഇന്റര്നാഷണല് കോ-ഓപ്പറേഷനും സംയുക്തമായി നടപ്പാക്കുന്ന ജര്മ്മനിയിലേയ്ക്കുളള നഴ്സുമാരുടെ റിക്രൂട്ട്മെന്റ് പദ്ധതിയായ ട്രിപ്പിള് വിന് പദ്ധതിയിലേയ്ക്ക് ഇപ്പോള് അപേക്ഷിക്കാം. ബിരുദമോ ഡിപ്ലോമയോ ഉള്ള നഴ്സുമാര്ക്കാണ് അവസരം.
ഏപ്രില് 19 മുതല് 28 വരെ തിരുവനന്തപുരത്ത് ജര്മ്മന് ഡെലിഗേഷന് നേരിട്ട് നടത്തുന്ന ഇന്റര്വ്യൂവിലൂടെ തെരഞ്ഞെടുക്കപ്പെടുന്നവര്ക്ക് ഗോയ്ഥേ ഇന്സ്റ്റിറ്റ്യൂട്ടില് ജര്മ്മന് ഭാഷാപരിശീലനം (ബി 1 ലെവല് വരെ) നല്കി ജര്മ്മനിയിലെ ആരോഗ്യമേഖലയിലേയ്ക്ക് റിക്രൂട്ട് ചെയ്യും. മലയാളികളായ സ്ത്രീകള്ക്കും പുരുഷന്മാര്ക്കും അപേക്ഷിക്കാവുന്നതാണ്.
ബി.എസ്.സി നഴ്സുമാര്ക്ക് പ്രവര്ത്തി പരിചയം നിര്ബന്ധമല്ല. എന്നാല് ജനറല് നഴ്സിംഗ് പാസായവര്ക്ക് 3 വര്ഷത്തെ പ്രവര്ത്തി പരിചയം നിര്ബന്ധമാണ്. പ്രായപരിധി ഇല്ല. ഭാഷാ പരിശീലനവും റിക്രൂട്ട്മെന്റും സൗജന്യമായിരിക്കും.
