അനുബന്ധ വാര്ത്തകള്
- പക്ഷിപ്പനി: നിരണത്ത് 4081 താറാവുകളെ കൊന്നൊടുക്കും
- വിഷ്ണുപ്രിയ കൊല കേസിൽ പ്രതി ശ്യാംജിത്തിന് ജീവപര്യന്തം തടവ്
- യാത്രക്കാരന്റെ മര്ദ്ദനമേറ്റ ടിടിഇയെ വിദഗ്ധ ചികിത്സക്കായി പാലക്കാട്ടേക്ക് മാറ്റി
- ഡ്രൈവിങ് ടെസ്റ്റ് ബാലികേറാമല! മോട്ടോര് വാഹനവകുപ്പ് ഉദ്യോഗസ്ഥന്റെ മകളും തോറ്റു, കൂകിവിളിച്ച് സമരക്കാര്
- പ്ലസ്ടു പരീക്ഷയില് കോപ്പിയടിച്ച 132 വിദ്യാര്ത്ഥികളും എല്ലാ പരീക്ഷയും ഇനി ഒന്നേന്ന് എഴുതണം
Nursing Recruitment: നോര്ക്കയുടെ യുകെയിലേക്കുള്ള നഴ്സിങ് റിക്രൂട്ട്മെന്റ് ജൂണില്
വിശദമായ സിവി, ഐഇഎല്ടിഎസ്/ഒഇടി സ്കോര് കാര്ഡ്, പാസ്പോര്ട്ടിന്റെ പകര്പ്പ് എന്നിവ സഹിതം [email protected], [email protected] എന്നീ ഇ-മെയില് വിലാസങ്ങളിലേയ്ക്ക്
Nursing Recruitment: യുകെയിലെ വെയില്സിലേയ്ക്ക് സംസ്ഥാനസര്ക്കാര് സ്ഥാപനമായ നോര്ക്ക റൂട്ട്സ് സംഘടിപ്പിക്കുന്ന നഴ്സിങ് റിക്രൂട്ട്മെന്റ് ജൂണില് എറണാകുളത്ത് നടക്കും. ജൂണ് ആറ് മുതല് എട്ട് വരെ ഹോട്ടല് താജ് വിവാന്തയിലാണ് അഭിമുഖങ്ങള്. നഴ്സിങ്ങില് ബിരുദം അല്ലെങ്കില് ഡിപ്ലോമ വിദ്യാഭ്യാസ യോഗ്യതയും ആറുമാസത്തെ പ്രവൃത്തിപരിചയവും വേണം.
മെഡിക്കല്, സര്ജിക്കല്, എമര്ജന്സി, പീഡിയാട്രിക്, ന്യൂറോസര്ജറി, റീഹബിലറ്റേഷന്, പെരിഓപ്പറേറ്റീവ്, അല്ലെങ്കില് ജനറല് നഴ്സിംഗ് സ്പെഷ്യാലിറ്റികളിലെ പ്രവൃത്തിപരിചയമുളളവര്ക്ക് അപേക്ഷിക്കാം. ഇതോടൊപ്പം സ്പീക്കിംഗ്, റീഡിംഗ്, ലിസണിംഗ് എന്നിവയില് ഐഇഎല്ടിഎസ് സ്കോര് 7 (റൈറ്റിംഗില് 6.5) അല്ലെങ്കില് സ്പീക്കിംഗ്, റീഡിംഗ്, ലിസണിംഗ് എന്നിവയില് OET ബി (റൈറ്റിംഗില് സി+), നഴ്സിംഗ് ആന്ഡ് മിഡ്വൈഫറി കൗണ്സില് (NMC) രജിസ്ട്രേഷന് യോഗ്യത എന്നിവയുളളവര്ക്ക് അപേക്ഷിക്കാം.
വിശദമായ സിവി, ഐഇഎല്ടിഎസ്/ഒഇടി സ്കോര് കാര്ഡ്, പാസ്പോര്ട്ടിന്റെ പകര്പ്പ് എന്നിവ സഹിതം [email protected], [email protected] എന്നീ ഇ-മെയില് വിലാസങ്ങളിലേയ്ക്ക് 2024 മെയ് 24 നകം അപേക്ഷ നല്കണമെന്ന് നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് (ഇന്-ചാര്ജ്ജ്) അജിത്ത് കോളശ്ശേരി അറിയിച്ചു.
ഐഇഎല്ടിഎസ്/ഒഇടി, സിബിടി, NMC അപേക്ഷ ഫീസ്, വിസ, ഫ്ലൈറ്റ് ടിക്കറ്റ് എന്നിവയ്ക്ക് റീഇന്ബേഴ്മെന്റിന് അര്ഹതയുണ്ടാകും. യു.കെയില് വിമാനത്താവളത്തില് നിന്നും താമസസ്ഥലത്തേയ്ക്കുളള യാത്ര, ഒരു മാസത്തെ സൗജന്യ താമസം, OSCE പരീക്ഷയുടെ ചെലവ് എന്നിവയും തിരഞ്ഞെടുക്കപ്പെടുന്നവര്ക്ക് ലഭിക്കും. NMC രജിസ്ട്രേഷന് മുന്പ് 25,524 പൗണ്ടും NMC രജിസ്ട്രേഷന് ശേഷം ബാന്ഡ് അഞ്ച് ശമ്പള പരിധിയും (£28,834 - £35,099) 5,199 പൗണ്ട് മൂല്യമുള്ള 5 വര്ഷം വരെ സ്പോണ്സര്ഷിപ്പിനും അര്ഹതയുണ്ടാകും. വിശദവിവരങ്ങള് www.norkaroots.org, www.nifl.norkaroots.org എന്നീ വെബ്ബ്സൈറ്റുകളില് ലഭിക്കും. അല്ലെങ്കില് 0471-2770536, 539, 540, 577 എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
