തദ്ദേശസ്വയംഭരണ തെരെഞ്ഞെടുപ്പിനുള്ള തയ്യാറെടുപ്പ് ചര്‍ച്ച ചെയ്യാന്‍ മുസ്‍ലിം ലീഗ് ജില്ലാ പ്രസിഡന്റ്- സെക്രട്ടറിമാരുടെ യോഗം ഇന്ന്. രാവിലെ 11 മണിക്ക് തിരുവനന്തപുരത്ത് ഷിഹാബ് തങ്ങള്‍ ഹാളിലാണ് യോഗം ചേരുന്നത്. എല്ലാ നേതാക്കളും യോഗത്തില്‍ പങ്കെടുക്കുമെന്നാണ് അറിയുന്നത്.

ആഗസ്റ്റ് രണ്ടിനു ചേരുന്ന സംസ്ഥാനസമിതി യോഗത്തിന് മുന്നോടിയായാണ് യോഗം. തദ്ദേശസ്വയംഭരണ തെരെഞ്ഞെടുപ്പില്‍ പാര്‍ട്ടി സ്വീകരിക്കേണ്ട നയം, ഇതുവരെ നടത്തിയിട്ടുള്ള തയ്യാറെടുപ്പുകള്‍ എന്നിവ യോഗം ചര്‍ച്ച ചെയ്യും. ന്യൂനപക്ഷവുമായി ബന്ധപ്പെട്ട് സിപിഎം-സിപിഐ നേതാക്കള്‍ നടത്തിയ പ്രസ്താവനകള്‍ ചര്‍ച്ചയായേക്കും.