അനുബന്ധ വാര്ത്തകള്
- പോക്സോ കേസിൽ 21 കാരൻ പോലീസ് പിടിയിലായി
- തലസ്ഥാനത്ത് മസ്തിഷ്ക ജ്വരം ബാധിച്ച് ചികിത്സയിലുള്ളവരുടെ നില മെച്ചപ്പെടുന്നതായി ആരോഗ്യവകുപ്പ്
- വയനാട് ദുരന്തം: ദുരിതാശ്വാസനിധിയില് കേരളാ നേഴ്സസ് ആന്റ് മിഡ് വൈവ്സ് കൗണ്സില് നല്കിയത് 5 കോടി രൂപ, കണ്ണൂര് ജില്ലാ പഞ്ചായത്ത് ഒരു കോടി
- ബെവ്കോ മദ്യവില്പ്പനശാലകള്ക്ക് നാളെ അവധി
- ഇന്ന് മൂന്ന് ജില്ലകളില് ഓറഞ്ച് അലര്ട്ട്; 11ജില്ലകളില് യെല്ലോ അലര്ട്ട്
രാത്രി 11 വരെ വൈദ്യുതി ഉപഭോഗം കുറയ്ക്കുക; അഭ്യര്ത്ഥിച്ച് കെ.എസ്.ഇ.ബി
വൈകീട്ട് 7 മണി മുതല് രാത്രി 11 വരെ വൈദ്യുതി ഉപഭോഗം പരമാവധി കുറച്ച് സഹകരിക്കണമെന്ന് അഭ്യര്ത്ഥിക്കുന്നു
രാത്രി 11 മണിവരെ വൈദ്യുതി ഉപഭോഗം കുറയ്ക്കണമെന്ന് അഭ്യര്ത്ഥിച്ച് കെ.എസ്.ഇ.ബി. ചില സാങ്കേതിക പ്രശ്നങ്ങള് കാരണം വൈദ്യുതി നിയന്ത്രണം ആവശ്യമായി വന്നേക്കുമെന്നും കെ.എസ്.ഇ.ബി. അറിയിച്ചു.
കെ.എസ്.ഇ.ബിയുടെ മുന്നറിയിപ്പ്
സംസ്ഥാനത്ത് വൈദ്യുതി ആവശ്യകതയില് വന്ന വലിയ വര്ധനവും ഝാര്ഖണ്ടിലെ മൈത്തോണ് വൈദ്യുത നിലയത്തിലെ ഒരു ജനറേറ്റര് തകരാറിലായതിനെത്തുടര്ന്ന്, ലഭിക്കേണ്ട വൈദ്യുതിയില് വന്ന അവിചാരിതമായ കുറവും കാരണം പീക്ക് സമയത്ത് (വൈകീട്ട് 7 മണി മുതല് രാത്രി 11 വരെ) വൈദ്യുതി ലഭ്യതയില് 500 MW മുതല് 650 MW വരെ കുറവ് പ്രതീക്ഷിക്കുന്നു.
പവര് എക്സ്ചേഞ്ച് മാര്ക്കറ്റിലെ വൈദ്യുതി ലഭ്യതയുടെ പരിമിതി കണക്കിലെടുത്ത് കുറവ് നിറവേറ്റുന്നതിനായി വൈദ്യുതി നിയന്ത്രണം ആവശ്യമായി വന്നേക്കാം. വൈകീട്ട് 7 മണി മുതല് രാത്രി 11 വരെ വൈദ്യുതി ഉപഭോഗം പരമാവധി കുറച്ച് സഹകരിക്കണമെന്ന് അഭ്യര്ത്ഥിക്കുന്നു.
