കോതമംഗലത്ത് മലയാറ്റൂര്‍, വാഴച്ചാല്‍ വനമേഖലകളില്‍ ആനവേട്ട നടത്തിയതിന് ആറുപേര്‍ക്ക് അറസ്റ്റ് വാറണ്ട്. കാട്ടാനകളെ കൊന്ന് കൊമ്പെടുക്കുന്ന സംഘത്തില്‍പ്പെട്ടവരാണ് ഇവര്‍. ആറുപേരും ഒളിവില്‍ പോയിരിക്കുകയാണ്. ഈ സാഹചര്യത്തില്‍ ഇവര്‍ക്കെതിരെ താമസിയാതെ ലുക്ക് ഔട്ട് നോട്ടീസും പുറത്തിറക്കും.

ആനകളെ വേട്ടയാടുന്ന ഈ സംഘത്തിന്റെ പാചകക്കാരനായ വടാട്ടുപാറ ചക്കിമേട് സ്വദേശി കെ ടി കുഞ്ഞുമോന്‍ സ്വമേധയ കീഴടങ്ങി നല്‍കിയ വിവരത്തിന്റെ അടിസ്ഥാനത്തിലാണ് കേസ് എടുത്തിരിക്കുന്നത്.

മലയാറ്റൂര്‍ - വാഴച്ചാല്‍ ഫോറസ്റ്റ് ഡിവിഷനില്‍പ്പെട്ട തുണ്ടം, കരിമ്പാനി, ഇടമലയാര്‍, പൂയംകുട്ടി, കൊല്ലത്തിരിമേട്, മലക്കപ്പാറ വനങ്ങള്‍ കേന്ദ്രീകരിച്ച് ആനവേട്ട നടത്തിയ സംഘത്തിലെ അംഗങ്ങള്‍ക്കെതിരെയാണ് അറസ്റ്റ് വാറണ്ട് പുടപ്പെടുവിച്ചിരിക്കുന്നത്.