തലപ്പത്ത് വീണ്ടും കോടിയേരി; സംസ്ഥാന സെക്രട്ടറി സ്ഥാനത്തേക്ക് തിരിച്ചെത്തി
സിപിഎം സംസ്ഥാന സെക്രട്ടറി സ്ഥാനത്തേക്ക് കോടിയേരി ബാലകൃഷ്ണന് തിരിച്ചെത്തി. ഇന്ന് ചേര്ന്ന സിപിഎം സംസ്ഥാന സെക്രട്ടറിയേറ്റ് യോഗമാണ് തീരുമാനം എടുത്തത്. 2020 നവംബര് 13-ന് ആണ് കോടിയേരി സെക്രട്ടറി സ്ഥാനം ഒഴിഞ്ഞത്. തുടര്ന്ന് താത്കാലിക ചുമതല എ. വിജയരാഘവന് നല്കുകയായിരുന്നു. ആരോഗ്യ കാരണങ്ങള് ചൂണ്ടിക്കാട്ടിയാണ് സംസ്ഥാന സെക്രട്ടറി സ്ഥാനത്തുനിന്ന് കോടിയേരി അവധിയെടുത്തത്. പാര്ട്ടി സമ്മേളനങ്ങള് നടക്കുന്നതിനാല് സ്ഥിരം സെക്രട്ടറി എന്ന നിലയില് ചുമതല ഏറ്റെടുക്കണമെന്ന് നേതാക്കള്ക്കിടയില് അഭിപ്രായമുയര്ന്നിരുന്നു.
