കേരള എഞ്ചിനിയറിംഗ് എന്‍ട്രന്‍സ് പരീക്ഷാ ഫലം പ്രസിദ്ധീകരിച്ചു. ആദ്യ പത്ത് റാങ്കും ആണ്‍കുട്ടികള്‍ കരസ്ഥമാക്കി. പത്തില്‍ നാല് റാങ്കും മലപ്പുറം ജില്ലയിലെ കുട്ടികള്‍ക്കാണ്. ഒന്ന്, രണ്ട്, ആറ്, എട്ട് റാങ്കുകളാണ് മലപ്പുറം ജില്ലയില്‍ നിന്നുള്ള വിദ്യാര്‍ത്ഥികള്‍ നേടിയത്.

മലപ്പുറം പേരത്തറ വീട്ടില്‍ ദിനേശന്റെ മകന്‍ പി റിതുലിനാണ് ഒന്നാം റാങ്ക്. 585.8495 മാര്‍ക്ക് നേടിയാണ് റിതുല്‍ ഒന്നാമതെത്തിയത്. മലപ്പുറം അയ്യപ്പള്ളി കല്ലുവാലപ്പില്‍ മൂച്ചിലത്ത് എ കെ സഫീന്‍ (583.5100)നാണ് രണ്ടാം റാങ്ക്. കൊല്ലം കടപ്പ െമൈനാഗപ്പള്ളി കുമ്പളത്ത് തറയില്‍ ജി എസ് ഹര്‍ദേവ് (578.8808) മൂന്നാം റാങ്ക് നേടി.