അനുബന്ധ വാര്ത്തകള്
- Kerala Weather: ഞായറാഴ്ചയോടെ കാലവര്ഷം ശക്തമാകും; ഇടിമിന്നല്, കള്ളക്കടല് ജാഗ്രത
- കുവൈറ്റ് ദുരന്തം: ലോകകേരള സഭ ഉദ്ഘാടനം വൈകിട്ട് 3 മണിക്ക് മാറ്റി
- ഭാരതീയ വ്യോമസേനയില് അഗ്നിവീറാകാന് അവസരം: വനിതകള്ക്കും അപേക്ഷിക്കാം, രജിസ്ട്രേഷന് ജൂലൈ 8ന് ആരംഭിക്കും
- റേഷൻ കാർഡ് ആധാറുമായി ബന്ധിപ്പിക്കൽ: സമയപരിധി മൂന്ന് മാസം കൂടി നീട്ടി
- കുവൈറ്റ് ദുരന്തം: തീപിടുത്തത്തില് 24 മലയാളികള് മരണപ്പെട്ടുവെന്ന് നോര്ക്ക, ഏഴുപേര് ഗുരുതരാവസ്ഥയില്
മഴ മുന്നറിയിപ്പുകളിൽ മാറ്റം, തിങ്കളാഴ്ച മുതൽ മഴ ശക്തമാകും, 4 ജില്ലകളിൽ യെല്ലോ അലർട്ട്
സംസ്ഥാനത്ത് മഴ മുന്നറിയിപ്പില് മാറ്റം. നിലവില് ദുര്ബലമായി തുടരുന്ന കാലവര്ഷം തിങ്കളാഴ്ചയോടെ ശക്തമാകുമെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. ഒറ്റപ്പെട്ടയിടങ്ങളില് ശക്തമായ മഴ ലഭിക്കുവാനുള്ള സാധ്യത കണക്കിലെടുത്ത് തിങ്കളാഴ്ച നാല് ജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴ,എറണാകുളം,തൃശൂര്,മലപ്പുറം ജില്ലകളിലാണ് മുന്നറിയിപ്പ് നല്കിയത്. നേരത്തെ കണ്ണൂര്,കാസര്കോട് ജില്ലകളിലാണ് മഴ മുന്നറിയിപ്പ് നല്കിയിരുന്നത്.
ചൊവ്വാഴ്ച കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ട്. ഈ രണ്ട് ജില്ലകളിലും യെല്ലോ അലര്ട്ട് പ്രഖ്യാപിച്ചു.കാലാവര്ഷം ദുര്ബലമാണെങ്കിലും സംസ്ഥാനത്ത് ഇന്നും നാളെയും ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുള്ളതായാണ് കാലാവസ്ഥാ വകുപ്പ് വ്യക്തമാക്കുന്നത്.