അനുബന്ധ വാര്ത്തകള്
- രാജ്യത്ത് ഇന്നുമുതൽ ഫാസ്ടാഗ് നിർബന്ധം, ഇല്ലെങ്കിൽ ഇരട്ട ടോൾ
- കിഴക്കൻ ലഡാക്കിലെ സൈനിക പിൻമാറ്റം ചൈനയോടുള്ള കീഴടങ്ങൽ: എകെ ആന്റണി
- മുടക്കമില്ലാതെ ഇന്ധന വില വർധന, പെട്രോൾ വില 91 രൂപയിലേയ്ക്ക്
- സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 4,612 പേര്ക്ക്; 15 മരണങ്ങള്; ടെസ്റ്റ് പോസിറ്റിവിറ്റി നിരക്ക് 7.46
- ഏപ്രിലില് പാസഞ്ചര്ട്രെയിന് സര്വീസുകള് പുനരാരംഭിക്കുന്നതിനെക്കുറിച്ച് തീരുമാനമെടുത്തിട്ടില്ലെന്ന് ഇന്ത്യന് റെയില്വേ
മലപ്പുറം ലോക്സഭാ ഉപതിരഞ്ഞെടുപ്പ് സംസ്ഥാനത്തെ നിയമസഭാ തിരഞ്ഞെടുപ്പിനൊപ്പം നടത്തും: മുഖ്യതിരഞ്ഞെടുപ്പ് കമ്മീഷണര്
മലപ്പുറം ലോക്സഭാ ഉപതിരഞ്ഞെടുപ്പ് സംസ്ഥാനത്തെ നിയമസഭാ തിരഞ്ഞെടുപ്പിനൊപ്പം നടത്തുമെന്ന് മുഖ്യതിരഞ്ഞെടുപ്പ് കമ്മീഷണര് സുനില് അറോറ പറഞ്ഞു. രാഷ്ട്രീയ കക്ഷികള്, ഉദ്യോഗസ്ഥര് എന്നിവരില് നിന്ന് ലഭിച്ച അഭിപ്രായങ്ങള് പരിഗണിച്ച ശേഷം തിരഞ്ഞെടുപ്പ് തീയതി നിശ്ചയിക്കുമെന്നും അദ്ദേഹം വ്യക്തമാക്കി. നിയമസഭാ തിരഞ്ഞെടുപ്പ് മുന്നൊരുക്കം വിലയിരുത്തുന്നതിന് തിരുവനന്തപുരത്തെത്തിയ കേന്ദ്ര തിരഞ്ഞെടുപ്പ് കമ്മീഷന് രണ്ടു ദിവസമായി വിവിധ വിഭാഗങ്ങളുമായി നടത്തിയ ചര്ച്ചയ്ക്ക് ശേഷം വാര്ത്താസമ്മേളനത്തിലാണ് ഇക്കാര്യം വിശദീകരിച്ചത്.
വിഷു, ഈസ്റ്റര്, റംസാന് തുടങ്ങി വിവിധ ആഘോഷങ്ങളും പരീക്ഷകളും കണക്കിലെടുത്താവും തീയതി നിശ്ചയിക്കുക. കേന്ദ്ര സേനകളുടെ ലഭ്യതയും പരിഗണിക്കും. രാഷ്ട്രീയ കക്ഷികളുമായി നടത്തിയ ചര്ച്ചയില് നിരവധി നിര്ദ്ദേശങ്ങള് ലഭിച്ചിട്ടുണ്ട്. നിഷ്പക്ഷവും സുതാര്യവുമായി തിരഞ്ഞെടുപ്പ് നടത്തുകയാണ് ലക്ഷ്യം. വോട്ടെടുപ്പ് സമയം നീട്ടണമെന്ന നിര്ദ്ദേശം പരിഗണനയിലുണ്ട്. തീയതി പ്രഖ്യാപിക്കുന്നതിനൊപ്പം വോട്ടെടുപ്പ് സമയക്രമവും അറിയിക്കും.
