അനുബന്ധ വാര്ത്തകള്
- 36 കാരനായ നഴ്സിന് മസ്തിഷ്ക മരണം; ഹൃദയം ഉള്പ്പെടെയുള്ള അവയവങ്ങള് ഹെലികോപ്റ്ററില് കൊച്ചിയിലേക്ക്
- ഭാര്യയേയും മകനെയും പാമ്പിനെക്കൊണ്ട് കടിപ്പിച്ചു കൊന്ന യുവാവ് അറസ്റ്റിൽ
- വിദേശത്തുള്ള മകൻ മരിച്ച വിഷമത്തിൽ ഡോക്ടറായ മാതാവ് ജീവനൊടുക്കി
- ആലപ്പുഴയില് പിതാവിനെ വാക്കര് കൊണ്ട് അടിച്ച് കൊലപ്പെടുത്തിയ സംഭവത്തില് മകന് അറസ്റ്റില്
- മഴ മുന്നറിയിപ്പില് മാറ്റം; രണ്ടുജില്ലകളില് യെല്ലോ അലര്ട്ട്
ആദ്യം മൂന്ന് വിരലുകള് മുറിച്ചു മാറ്റി, കുറയാതെ വന്നപ്പോള് കാല്പാദം തന്നെ മുറിച്ചുമാറ്റേണ്ടി വന്നു; ഇപ്പോഴത്തെ അവസ്ഥയെ കുറിച്ച് കാനം രാജേന്ദ്രന്
വലതു കാലിന്റെ അടിഭാഗത്തു ഒരു മുറിവുണ്ടായി. പ്രമേഹം മൂലം അത് ഉണങ്ങിയില്ല
പ്രമേഹത്തേയും അണുബാധയേയും തുടര്ന്ന് തന്റെ കാല്പാദം മുറിച്ചുമാറ്റിയെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. കഴിഞ്ഞ കുറേ കാലമായി രാഷ്ട്രീയ രംഗത്തു നിന്ന് മാറിനില്ക്കുകയാണ് കാനം. ആരോഗ്യപരമായ ബുദ്ധിമുട്ടുകളെ തുടര്ന്നാണ് രാഷ്ട്രീയ രംഗത്ത് സജീവമല്ലാത്തതെന്നും തളരാതെ തിരിച്ചുവരുമെന്നും മലയാള മനോരമയ്ക്ക് നല്കിയ അഭിമുഖത്തില് കാനം പറഞ്ഞു.
വലതു കാലിന്റെ അടിഭാഗത്തു ഒരു മുറിവുണ്ടായി. പ്രമേഹം മൂലം അത് ഉണങ്ങിയില്ല. രണ്ട് മാസമായിട്ടും മുറിവ് കരിയാതെ വന്നപ്പോള് ആശുപത്രിയില് പോയി. അപ്പോഴേക്കും പഴുപ്പ് മുകളിലേക്ക് കയറിയിരുന്നു. രണ്ട് വിരലുകള് മുറിച്ചുകളയണമെന്നാണ് ഡോക്ടര് ആദ്യം പറഞ്ഞത്. ഓപ്പറേഷന് സമയത്ത് മൂന്ന് വിരലുകള് മുറിച്ചുമാറ്റേണ്ടി വന്നു. എന്നിട്ടും അണുബാധയ്ക്ക് കുറവുണ്ടായില്ല. ഒടുവില് കഴിഞ്ഞ ചൊവ്വാഴ്ച കാല്പാദം മുറിച്ചു മാറ്റിയെന്നും കാനം പറഞ്ഞു.
മൂന്ന് മാസത്തെ അവധിക്കാണ് പാര്ട്ടിയില് അപേക്ഷ നല്കിയിരിക്കുന്നത്. സംസ്ഥാന സെക്രട്ടറി സ്ഥാനം ഒഴിയുന്ന കാര്യം ഇപ്പോള് പരിഗണനയില് ഇല്ല. പൂര്ണ കരുത്തനായി തിരിച്ചുവരുമെന്നും കാനം പറഞ്ഞു.
