കൊച്ചി|
VISHNU N L|
Last Modified ശനി, 4 ഏപ്രില്‍ 2015 (12:07 IST)
ചലച്ചിത്ര നടി ജ്യോതിര്‍മയി വീണ്ടും വിവാഹിതയായി. സംവിധായകന്‍ അമല്‍ നീരദാണ് വരന്‍. കൊച്ചിസൗത്ത് രജിസ്ട്രാര്‍ ഓഫീസര്‍ അമല്‍ നീരദിന്റെ വീട്ടിലെത്തിയാണ് വിവാഹം നടത്തിയത്. ജ്യോതിര്‍മയിയുടെ രണ്ടാമത്തെ വിവാഹമാണിത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില്‍ പങ്കെടുത്തത്.
നിരവധി ബോളിവുഡ് ചിത്രങ്ങളില്‍ ഛായാഗ്രാഹകനായി പ്രവര്‍ത്തിച്ച അമല്‍ നീരദ് ബിഗ് ബി എന്ന ചിത്രത്തിലൂടെയാണ് സംവിധാനരംഗത്തെത്തുന്നത്. ഫഹദ് ഫാസില്‍ നായകനായി എത്തിയ ഇയ്യോബിന്റെ പുസ്തകമാണ് അമല്‍ അവസാനമായി സംവിധാനം ചെയ്ത ചിത്രം. ദിലീപ് നായകനായി അഭിനയിച്ച മീശമാധവന്‍ എന്ന ചിത്രത്തിലൂടെയാണ് ജ്യോതിര്‍മയി അഭിനയ രംഗത്തേക്കെത്തുന്നത്.
തുടര്‍ന്ന് നിരവധി മലയാളം, തമിഴ്, തെലുങ്ക് ചിത്രങ്ങളില്‍ അഭിനയിച്ചു. 2004 സെപ്റ്റംബര്‍ ആറിനാണ് എറണാകുളം കടവന്ത്ര സ്വദേശിയും സോഫറ്റ്‌വെയര്‍ എന്‍ജിനീയറുമായ നിഷാന്ത് കുമാറിനെ വിവാഹം കഴിച്ചത്. പരസ്പരം ഒത്തുപോകാനാവാത്ത പൊരുത്തക്കേടുകള്‍ ചൂണ്ടിക്കാട്ടിയായി ഏഴു വര്‍ഷത്തെ ദാമ്പത്യം അവസാനിപ്പിച്ച് 2011ലാണ് ഇരുവരും വിവാഹമോചനം തേടിയത്.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ
ക്ലിക്ക് ചെയ്യുക.
ഫേസ്ബുക്കിലും ട്വിറ്ററിലും പിന്തുടരുക.
