അനുബന്ധ വാര്ത്തകള്
- ഇടുക്കി അണക്കെട്ട് ഇന്ന് തുറക്കും; ബാണാസുരസാഗര് ഡാമില് റെഡ് അലര്ട്ട് പ്രഖ്യാപിച്ചു
- കക്കയം ജല സംഭരണിയില് ജലനിരപ്പ് ഉയര്ന്നതിനെ തുടര്ന്ന് ബ്ലൂ അലേര്ട്ട് പ്രഖ്യാപിച്ചു
- ആലപ്പുഴയില് 46 ദിവസം മാത്രം പ്രായമുള്ള കുഞ്ഞിനെ മാതാവ് കിണറ്റില് എറിഞ്ഞു കൊലപ്പെടുത്തി
- ഇടുക്കി അണക്കെട്ട് നാളെ തുറക്കും
- ചാലക്കുടിയില് റെയില്വേ ട്രാക്കിലൂടെ നടന്ന രണ്ടു സ്ത്രീകള് തോട്ടില് വീണു; ഒരാള്ക്ക് ഗുരുതര പരിക്ക്
വണ്ടിപെരിയാര് ഗ്രാമ്പിയില് ഒഴുക്കില്പ്പെട്ട് കാണാതായ ആദിവാസി ബാലനെ കണ്ടെത്താനായില്ല; തിരച്ചില് ഇന്നും തുടരും
വണ്ടിപെരിയാര് ഗ്രാമ്പിയില് ഒഴുക്കില്പ്പെട്ട് കാണാതായ ആദിവാസി ബാലനെ കണ്ടെത്താനായില്ല. പ്രതികൂല കാലാവസ്ഥ മൂലം തിരച്ചില് നടത്താനാവാത്ത സാഹചര്യത്തില് റെസ്ക്യൂ സംഘം തിരച്ചില് ഇന്നലെ അവസാനിപ്പിച്ചു. രണ്ട് ടീമായി തിരിഞ്ഞ് രാവിലെ 7 മണി മുതല് തിരച്ചില് നടത്തിയിരുന്നു. ഒരു സംഘം പരുന്തുംപാറയ്ക്ക് താഴെ ഭാഗത്തും ഒരു സംഘം പുറക്കയം ഭാഗത്തുമാണ് തിരച്ചില് നടത്തിയത്. എന്ഡിആര്എഫ്, പോലീസ്, ഫയര്ഫോഴ്സ്, ഫോറസ്റ്റ്, റവന്യു സംഘം സംയുക്തമായാണ് തെരച്ചില് നടത്തുന്നത്. മൂന്ന് കിലോമീറ്ററോളം വനത്തിലൂടെ ഏറെ ദുര്ഘടമായ വഴിയിലൂടെ യാത്ര ചെയ്താല് മാത്രമേ കുട്ടി ഒഴുക്കില് പെട്ട ഭാഗത്ത് എത്താന് സാധിക്കുകയുള്ളു.
ഗ്രാമ്പി സ്വദേശിയായ ബാലനെയാണ് കാണാതായത്. വനവിഭവങ്ങള് ശേഖരിക്കാന് കാട്ടില് പോയി മടങ്ങിവരുമ്പോഴാണ് അപകടമുണ്ടായത്. പിതാവ് മാധവനും മാതാവ് ഷൈലയ്ക്കുമൊപ്പമായിരുന്നു കുട്ടി കുടംപുളി പറിക്കുന്നതിനായി വനത്തിലേക്ക് പോയത്. പുഴ മുറിച്ചു കടക്കുന്നതിനിടെയാണ് അപകടം ഉണ്ടായത്. കനത്ത മഴയെ തുടര്ന്ന് നിറഞ്ഞൊഴുകുന്ന പുഴയിലാണ് കുട്ടി ഒഴുക്കില്പ്പെട്ടത്.
