കൊച്ചി: കൊവിഡ് രോഗിയുടെ മൃതദേഹമില്ലാതെ പെട്ടി മാത്രം ബന്ധുക്കൾക്ക് കൈമാറി ആശുപത്രി അധികൃതർ. കൊച്ചിയിലെ സ്വകാര്യ ആശുപത്രിയാണ് മൃതദേഹമില്ലാതെ പെട്ടി മാത്രം ബന്ധുക്കൾക്ക് വിട്ടുനൽകിയത്. സെമിത്തേരിയിൽ വച്ച് പെട്ടി തുറന്നതോടെയാണ്. കോതാട് സ്വദേശി 42 കാരനായ പ്രിൻസ് സിമേന്തിയുടെ മൃതദേഹം പെട്ടിയിൽ ഇല്ലെന്ന് അടക്കം ചെയ്യുന്നതിന് തൊട്ടുമുൻപ് തിരിച്ചറിഞ്ഞത്. മൃതദേഹം കൈമാറ്റം ചെയ്യുന്ന സമയത്ത് ഉണ്ടായ ആശയക്കുഴപ്പമാണ് വീഴ്ചയുണ്ടാകാൻ കാരണം എന്നാണ് ആശുപത്രി അധികൃതരുടെ വിശദീകരണം. കഴിഞ്ഞ ദിവസമാണ് പ്രിൻസ് മരിച്ചത്. മരണ ശേഷം നടത്തിയ പരിശോധനയിൽ കൊവിഡ് സ്ഥിരീകരിയ്ക്കുകയായിരുന്നു.