അനുബന്ധ വാര്ത്തകള്
- Kerala Weather: കേരളത്തില് അതിതീവ്ര മഴ മുന്നറിയിപ്പ്: തിമിര്ത്തുപെയ്യും വരും ദിവസങ്ങളില്
- മഴ കനക്കും, ഇന്ന് 10 ജില്ലകളിൽ ഓറഞ്ച് അലേർട്ട്; നാളെ രണ്ട് ജില്ലകളിൽ റെഡ് അലേർട്ട്
- Kerala Weather: മഴ കനക്കും; ഓറഞ്ച് അലര്ട്ട് പത്ത് ജില്ലകളിലേക്ക്
- Kerala Weather: കേരളത്തിനു മുകളില് പടിഞ്ഞാറന് കാറ്റ് ശക്തം; മലയോര / കടല്തീര മേഖലയിലേക്കുള്ള വിനോദയാത്രകള് ഒഴിവാക്കുക
- Kerala Weather: വടക്കന് ജില്ലകളില് മഴ കനക്കും; ചക്രവാതചുഴിക്കൊപ്പം പടിഞ്ഞാറന് കാറ്റും
Kerala Weather: ഇന്ന് മഴദിനം, പുറത്തിറങ്ങുമ്പോള് ശ്രദ്ധിക്കുക; അഞ്ച് ജില്ലകളില് റെഡ് അലര്ട്ട്
വടക്കന് കര്ണാടകയ്ക്കും മറാത്താവാഡയ്ക്കും മുകളിലായി ചക്രവാതചുഴി സ്ഥിതിചെയ്യുന്നു
Kerala Weather: കാലവര്ഷം ശക്തിപ്പെടുന്നതിന്റെ ഭാഗമായി സംസ്ഥാനത്ത് എല്ലാ ജില്ലകളിലും ഇന്ന് മഴയ്ക്കു സാധ്യത. അഞ്ച് ജില്ലകളില് അതിതീവ്ര മഴയ്ക്കു സാധ്യതയുള്ളതിനാല് റെഡ് അലര്ട്ട്. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് റെഡ് അലര്ട്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട് ജില്ലകളില് ഓറഞ്ച് അലര്ട്ട്.
വടക്കന് കര്ണാടകയ്ക്കും മറാത്താവാഡയ്ക്കും മുകളിലായി ചക്രവാതചുഴി സ്ഥിതിചെയ്യുന്നു. മറ്റൊരു ചക്രവാതചുഴി വടക്കന് തീരദേശ ആന്ധ്രാപ്രാദേശിന് സമീപം മധ്യ പടിഞ്ഞാറന് ബംഗാള് ഉള്ക്കടലിനു മുകളില് സ്ഥിതിചെയ്യുന്നു. വടക്കന് ഒഡിഷക്ക് മുകളില് ചക്രവാതചുഴിയുണ്ട്. കേരളത്തിനു മുകളില് പടിഞ്ഞാറന് കാറ്റ് ശക്തമായി തുടരുന്നു. കേരളത്തില് അടുത്ത അഞ്ച് ദിവസം വ്യാപകമായ മഴയ്ക്ക് സാധ്യത. ജൂണ് 14-17 തിയതികളില് ഒറ്റപ്പെട്ട അതിതീവ്ര മഴയ്ക്കും ജൂണ് 14-18 വരെ ഒറ്റപ്പെട്ട അതിശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജൂണ് 14 മുതല് 16 വരെ കേരളത്തിനു മുകളില് മണിക്കൂറില് പരമാവധി 50-60 കിലോമീറ്റര് വരെ വേഗതയില് കാറ്റ് ശക്തമാകാനും സാധ്യത.
