വീണ്ടും റെഡ് അലർട്ട്; കനത്ത മഴ മുതൽ അതിതീവ്ര മഴയ്ക്ക് വരെ സാധ്യത; ജാഗ്രത
കനത്ത മഴ മുതൽ അതിതീവ്ര മഴ വരെ പെയ്തേക്കാമെന്നാണ് മുന്നറിയിപ്പ്.
സംസ്ഥാനത്ത് മൂന്ന് ജില്ലകളിൽ ഇന്ന് അതി തീവ്ര മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. എറണാകുളം, ആലപ്പുഴ, ഇടുക്കി ജില്ലകളിലാണ് ഇന്ന് റെഡ് അലർട്ട് പുറപ്പെടുവിച്ചിട്ടുള്ളത്. കനത്ത മഴ മുതൽ അതിതീവ്ര മഴ വരെ പെയ്തേക്കാമെന്നാണ് മുന്നറിയിപ്പ്.
ഈ ജില്ലകളിൽ 20 സെന്റീമീറ്റർ വരെ മഴ പെയ്യാനിടയുണ്ടെന്നാണ് മുന്നറിയിപ്പിൽ വ്യക്തമാക്കുന്നത്. ഇന്ന് കൊല്ലം, പത്തനംതിട്ട, കോട്ടയം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്. കാസർകോട്, യെല്ലോ അലർട്ടും പ്രഖ്യാപിച്ചിട്ടുണ്ട്. സംസ്ഥാനത്തെ 9 ജില്ലകളിൽ അതീവ ജാഗ്രതാ നിർദേശവും പുറപ്പെടുവിച്ചിട്ടുണ്ട്.
