ചൂട് കനക്കുന്നു, സംസ്ഥാനത്തെ പുറം ജോലി സമയത്തിൽ മാറ്റം
സംസ്ഥാനത്ത് പകൽ താപനില ക്രമാതീതമായി ഉയരുന്നതിനെ മുൻനിർത്തി സംസ്ഥാനത്ത് പുറം ജോലികൾ ചെയ്യുന്ന തൊഴിലാളികളുടെ ജോലി സമയം നാളെ മുതൽ ഏപ്രിൽ 30 വരെ പുനക്രമീകരിച്ചു. സൂര്യാഘാത സാധ്യത കണക്കിലെടുത്താണ് തീരുമാനം.
രാവിലെ 7 മുതൽ വൈകീട്ട് 7 വരെയുള്ള സമയത്തിൽ 8 മണിക്കൂറായാണ് ജോലി നിജപ്പെടുത്തിയത്. രാവിലെ തൊഴിൽ ചെയ്യുന്ന തൊഴിലാളികൾക്ക് ഷിഫ്റ്റ് 12 മണിക്ക് അവസാനിക്കുന്ന തരത്തിലും വൈകുന്നേരം 3 മണിക്ക് ആരംഭിക്കുന്ന തരത്തിലുമാണ് പുനക്രമീകരണം. സമുദ്രനിരപ്പിൽ നിന്ന് 3000 അടിയിൽ കൂടുതൽ ഉയരമുള്ള സൂര്യാഘാതത്തിന് സാധ്യതയില്ലാത്ത മേഖലകളെ ഉത്തരവിൻ്റെ പരിധിയിൽ നിന്നും ഒഴിവാക്കിയിട്ടുണ്ട്.
