അനുബന്ധ വാര്ത്തകള്
- സംസ്ഥാനത്ത് വരുന്ന നാലുദിവസം ശക്തമായ മഴയ്ക്ക് സാധ്യത; ഇന്ന് രണ്ടു ജില്ലകളില് യെല്ലോ അലര്ട്ട്
- കണ്ണൂരില് നിര്ത്തിയിട്ട ട്രെയിനിന്റെ ബോഗി കത്തിനശിച്ചു; അട്ടിമറി സംശയിച്ച് റെയില്വെ പൊലീസ്
- സംസ്ഥാനത്ത് ഇന്ന് മുതല് വൈദ്യുതി നിരക്ക് കൂടും
- അറിവ് നേടാം, ഉയരങ്ങളിലേക്ക് പറക്കാം; അവധിക്കാലം കഴിഞ്ഞ് കുട്ടികള് സ്കൂളിലേക്ക്, ഇന്ന് പ്രവേശനോത്സവം
- സംസ്ഥാനത്ത് സ്കൂളുകള് ഇന്ന് തുറക്കും; പ്രവേശനോത്സവത്തിന്റെ സംസ്ഥാനതല ഉദ്ഘാടനം മുഖ്യമന്ത്രി നിര്വഹിക്കും
സ്വയം ചികിത്സ പാടില്ല: സംസ്ഥാനത്ത് നാളെ മുതല് ഫീവര് ക്ലിനിക്കുകള് ആരംഭിക്കുന്നു
മഴക്കാലം മുന്നില് കണ്ട് സംസ്ഥാനത്ത് ജൂണ് 2 മുതല് പ്രത്യേകമായി ഫീവര് ക്ലിനിക്കുകള് ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. താലൂക്ക് ആശുപത്രികള് മുതലായിരിക്കും ഫീവര് ക്ലിനിക്കുകള് ആരംഭിക്കുക. ഇതുകൂടാതെ ഫീവര് വാര്ഡുകളും ആരംഭിക്കും. ജൂണ് 1, 2 തീയതികളില് മരുന്നുകളുടെ സ്റ്റോക്ക് പരിശോധിക്കും. എല്ലാ ജില്ലാ മെഡിക്കല് ഓഫീസര്മാരും ഇവ ഉറപ്പ് വരുത്തണം. പനി ബാധിച്ചാല് സ്വയം ചികിത്സ പാടില്ല. ഏത് പനിയും പകര്ച്ചപ്പനിയാകാന് സാധ്യതയുള്ളതിനാല് ഡോക്ടറുടെ സേവനം തേടേണ്ടതാണെന്നും മന്ത്രി അഭ്യര്ത്ഥിച്ചു. സംസ്ഥാനത്തെ പകര്ച്ചവ്യാധി പ്രതിരോധം നേരത്തെതന്നെ ശക്തമാക്കുന്നതിന് വിളിച്ചുചേര്ത്ത ഉന്നതതല യോഗത്തിലാണ് മന്ത്രി ഇക്കാര്യം അറിയിച്ചത്.
വേനല്മഴയെ തുടര്ന്ന് സംസ്ഥാനത്ത് എല്ലാ ജില്ലകളിലും ഡെങ്കിപ്പനി നേരിയ തോതില് വര്ധനവുള്ളതിനാല് ജില്ലകള് കൂടുതല് ശ്രദ്ധിക്കണം. മറ്റ് കൊതുക് ജന്യ രോഗങ്ങളും ചെറുതായി വര്ധിക്കുന്നതായി കാണുന്നു. ഡെങ്കിപ്പനി, എലിപ്പനി, സിക്ക, ചിക്കന്ഗുനിയ, കോളറ, ഷിഗല്ല, എച്ച്. 1 എന്. 1 എന്നിവയ്ക്കെതിരെ ശ്രദ്ധ വേണം. നിലവിലെ ചികിത്സാ പ്രോട്ടോകോള് പാലിക്കാനും പ്രതിരോധ നടപടികള് സ്വീകരിക്കാനും മന്ത്രി നിര്ദേശം നല്കി. ബോധവത്ക്കരണം ശക്തമാക്കണം.
