അനുബന്ധ വാര്ത്തകള്
- Eid al-Adha 2022, Bakrid History: ബക്രീദിന് മുസ്ലിങ്ങള് മൃഗങ്ങളെ ബലി കഴിക്കുന്ന വിശ്വാസം എന്തുകൊണ്ട്?
- Ind vs Eng 2nd T 20 Live Updates: എഡ്ജ്ബാസ്റ്റണില് ഇംഗ്ലണ്ടിന്റെ വായടപ്പിച്ച് നീലപ്പട; ട്വന്റി 20 പരമ്പര ഇന്ത്യക്ക്
- രാജ്യത്ത് അഞ്ചുവര്ഷത്തിനുള്ളില് പെട്രോള് നീക്കം ചെയ്യുമെന്ന് കേന്ദ്ര ഗതാഗതമന്ത്രി
- എന്താണ് ഹാന്ഡ്-ഫൂട്ട്-മൗത്ത് ഡിസീസ്? രോഗ ലക്ഷണങ്ങള് ഇവയൊക്കെ
- സംസ്ഥാനത്ത് ഹാന്ഡ്-ഫൂട്ട്-മൗത്ത് ഡിസീസ് റിപ്പോര്ട്ട് ചെയ്യുന്നെങ്കിലും ആശങ്ക വേണ്ടെന്ന് ആരോഗ്യവകുപ്പ്
Eid al Adha:ത്യാഗത്തിൻ്റെ സ്മരണയിൽ ഇന്ന് ബലി പെരുന്നാൾ
പ്രവാചകനായ ഇബ്രാഹിം മകൻ ഇസ്മായീലിനെ ദൈവകൽപ്പന പ്രകാരം ബലി നൽകാനൊരുങ്ങിയതിൻ്റെ ഓർമ്മ പുതുക്കി ഇസ്ലാം മതവിശ്വാസികൾ ഇന്ന് ബലിപെരുന്നാൾ ആഘോഷിക്കുന്നു. പ്രവാചകൻ്റെ ത്യാഗത്തെ വാഴ്ത്തുന്ന ഈ ദിനം പെരുന്നാൾ നമസ്കാരം കുടുംബാംഗങ്ങളുടെ ഒത്തുചേരലുകളുമായി കേരളത്തിലെ വിശ്വാസികൾ ആഘോഷിക്കും.
മനുഷ്യത്വത്തിന്റെ ഏറ്റവും ഉദാത്തമായ ആവിഷ്കാരം ത്യാഗമാണെന്ന് ഓർമിപ്പിക്കുന്ന ദിനമാണ് ബലി പെരുന്നാളെന്ന് മുഖ്യമന്ത്രി പിണറായി വിജയൻ. സ്വന്തം സുഖസന്തോഷങ്ങൾ ഉപേക്ഷിച്ച് മറ്റുള്ളവന്റെ നന്മയ്ക്കായി ആത്മാർപ്പണം ചെയ്ത മനുഷ്യരുടെ ത്യാഗമാണ് ലോകത്തെ പ്രകാശമാനമാക്കുന്നതെന്ന സന്ദേശമാണ് ഈ ദിനം പകരുന്നത്. അതുൾക്കൊള്ളാനും പങ്കുവയ്ക്കാനും ആ വിധം ബലി പെരുന്നാൾ ആഘോഷം സാർത്ഥകമാക്കാനും ഏവർക്കും സാധിക്കണം. ബലി പെരുന്നാൾ ആശംസകൾ നേർന്നുകൊണ്ട് മുഖ്യമന്ത്രി കുറിച്ചു.
ഒത്തു ചേരാനും സാഹോദര്യത്തിന്റെ മാധുര്യം നുണയാനുമുള്ള ഒരു അവസരം കൂടിയായി ഈ സുദിനം മാറട്ടെ. മനുഷ്യരെ പല കള്ളികളിലാക്കുന്ന സങ്കുചിതാശയങ്ങളുടെ അതിർവരമ്പുകൾ മായ്ച്ച് സന്തോഷം പരസ്പരം പങ്കുവയ്ക്കാനും വേദനകൾ മറന്ന് പുഞ്ചിരിക്കാനും ഏവർക്കും സാധിക്കട്ടെയെന്നും മുഖ്യമന്ത്രി കുറിച്ചു.
