അനുബന്ധ വാര്ത്തകള്
- സംസ്ഥാനത്ത് സ്വര്ണവിലയില് നേരിയ ഇടിവ്
- യുവതി യുവാക്കളെ ഇദ്ദേഹത്തെ നമ്പരുത്: പിവി അന്വറിനെതിരെ രൂക്ഷ വിമര്ശനവുമായി നടന് വിനായകന്
- 'അണ്ഫോളോ അന്വര്'; ക്യാംപെയ്നു തുടക്കമിട്ട് സൈബര് സഖാക്കള്, എടുത്തുചാട്ടം വേണ്ടെന്ന നിലപാടില് കോണ്ഗ്രസ്
- വിശ്വാസത്തിന്റെ പേരില് സ്കൂളില് രണ്ടാം ക്ലാസുകാരനെ ബലി നല്കി
- ആറ്റിങ്ങലിൽ വാഹനാപകടം: നവവധുവിന് ദാരുണാന്ത്യം
ആംബുലന്സില് നിയമവിരുദ്ധ യാത്ര: സുരേഷ് ഗോപിക്കെതിരെ പരാതി
സിപിഐ തൃശൂര് മണ്ഡലം സെക്രട്ടറി കെ.പി.സുമേഷ് ആണ് പരാതിക്കാരന്
തൃശൂര് പൂരത്തിനിടയ്ക്ക് ആംബുലന്സില് നിയമവിരുദ്ധ യാത്ര ചെയ്തതിനു കേന്ദ്രമന്ത്രിയും നടനുമായ സുരേഷ് ഗോപിക്കെതിരെ പരാതി. തൃശൂര് സിറ്റി പൊലീസ് കമ്മിഷണര്ക്ക് സിപിഐ ആണ് പരാതി നല്കിയത്. ജോയിന്റ് ആര്ടിഒയ്ക്കും സിപിഐ പരാതി നല്കിയിട്ടുണ്ട്.
സിപിഐ തൃശൂര് മണ്ഡലം സെക്രട്ടറി കെ.പി.സുമേഷ് ആണ് പരാതിക്കാരന്. മോട്ടോര് വെഹിക്കിള് ആക്ട് പ്രകാരം ആംബുലന്സ് രോഗികള്ക്കു സഞ്ചരിക്കാന് ഉള്ളതാണെന്നും വ്യക്തികളുടെ സ്വകാര്യയാത്രയ്ക്കു ഉപയോഗിക്കാന് പാടില്ലെന്നും സിപിഐ പറയുന്നു.
തൃശൂര് പൂരം അലങ്കോലമായതിനെ തുടര്ന്ന് ബിജെപി സ്ഥാനാര്ഥിയായിരുന്ന സുരേഷ് ഗോപി നിയമവിരുദ്ധമായി ആംബുലന്സില് സഞ്ചരിച്ചുവെന്നാണ് പരാതിയിലെ ആരോപണം. സേവഭാരതിയുടെ ആംബുലന്സിലാണ് സുരേഷ് ഗോപി എത്തിയത്. തൃശൂരിലെ വീട്ടില് നിന്ന് തിരുവമ്പാടി ദേവസ്വം ഓഫീസിലേക്കാണ് സുരേഷ് ഗോപി ആംബുലന്സില് എത്തിയത്. തൃശൂര് പൂരം അലങ്കോലമാക്കിയതിനു പിന്നില് സുരേഷ് ഗോപി ഉണ്ടെന്ന് സിപിഐ നേതാക്കള് അടക്കം നേരത്തെ ആരോപിച്ചിരുന്നു.
