അനുബന്ധ വാര്ത്തകള്
- പുനരധിവാസത്തിനായി ടൗണ്ഷിപ്പ്, സുരക്ഷിതമായ മറ്റൊരു പ്രദേശം കണ്ടെത്തും: മുഖ്യമന്ത്രി
- വയനാട്ടിലേക്കുള്ള അനാവശ്യ യാത്രകള് ഒഴിവാക്കണം, ദുരിതാശ്വാസ ക്യാംപുകളിലേക്ക് വെറുതെയുള്ള സന്ദര്ശനവും വേണ്ട: മന്ത്രി മുഹമ്മദ് റിയാസ്
- 'ചെയ്തത് ശരിയായില്ല'; മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം കൊടുത്ത ചെന്നിത്തലയ്ക്കെതിരെ സുധാകരന്
- സിപിഎം സംസ്ഥാന കമ്മിറ്റി മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ നല്കി
- കോട്ടയത്ത് നിരവധി ക്രിമിനല് കേസുകളില് പ്രതിയായ യുവതിയെ കാപ്പ ചുമത്തി നാടുകടത്തി; നാടുകടത്തിയത് അഞ്ജന ആര് പണിക്കരെ
അറിയിപ്പ്: ദുരിതാശ്വാസ നിധിയിലേക്കു പണം അയക്കാനുള്ള ക്യു ആര് കോഡ് പിന്വലിച്ചു
ദുരിതാശ്വാസ നിധിയുടെ പോര്ട്ടലിലും സോഷ്യല് മീഡിയ വഴിയും വിവിധ അക്കൗണ്ടുകളുടെ യുപിഐ ക്യുആര് കോഡ് നല്കിയിരുന്നു
മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം അയക്കാനുള്ള ക്യു ആര് കോഡ് (QR Code) സര്ക്കാര് പിന്വലിച്ചു. ക്യു ആര് കോഡ് ദുരുപയോഗിക്കാനുള്ള സാധ്യത മുന്നില്കണ്ടാണ് ഇങ്ങനെയൊരു തീരുമാനമെന്ന് മുഖ്യമന്ത്രി പിണറായി വിജയന് അറിയിച്ചു. അതേസമയം പോര്ട്ടലില് നല്കിയിട്ടുള്ള യുപിഐ ഐഡി വഴി ഗൂഗിള് പേയിലൂടെ സംഭാവന നല്കാം.
' സിഎംഡിആര്എഫ് സംഭാവനകള് ഫലപ്രദമായി കൈകാര്യം ചെയ്യുന്നതിന് ധന വകുപ്പില് ഉദ്യോഗസ്ഥര്ക്ക് പ്രത്യേക ചുമതല നല്കി സംവിധാനം ഒരുക്കും. സംഭാവന ചെയ്യുന്നതിനായി 'donation.cmdrf.kerala.gov.in' എന്ന പോര്ട്ടലില് ദുരിതാശ്വാസ നിധിയിലുള്ള വിവിധ ബാങ്കുകളുടെ എല്ലാ അക്കൗണ്ട് നമ്പറുകളും നല്കിയിട്ടുണ്ട്. പോര്ട്ടലില് നല്കിയിരിക്കുന്ന നേരിട്ടുള്ള പേയ്മെന്റ് സംവിധാനം വഴി വിവരങ്ങള് നല്കി ഓണ്ലൈന് ബാങ്കിങ് / ഡെബിറ്റ് / ക്രെഡിറ്റ് കാര്ഡുകള്, യുപിഐ എന്നിവ വഴിയോ അക്കൗണ്ട് നമ്പര് വഴി നേരിട്ടോ സംഭാവന നല്കാം. ഇതിലൂടെ നല്കുന്ന സംഭാവനയ്ക്ക് ഉടന് തന്നെ നിങ്ങള്ക്ക് റെസീപ്റ്റ് ഡൗണ്ലോഡ് ചെയ്യാന് സാധിക്കും. യുപിഐ വഴിയുള്ള ഇടപാടുകള്ക്ക് 48 മണിക്കൂറിനുശേഷമേ റസീപ്റ്റ് ലഭിക്കൂ. ദുരിതാശ്വാസ നിധിയുടെ പോര്ട്ടലിലും സോഷ്യല് മീഡിയ വഴിയും വിവിധ അക്കൗണ്ടുകളുടെ യുപിഐ ക്യുആര് കോഡ് നല്കിയിരുന്നു. അത് ദുരുപയോഗപ്പെടാനുള്ള സാധ്യത ശ്രദ്ധയില്പ്പെട്ടതിനെ തുടര്ന്ന് ക്യുആര് കോഡ് സംവിധാനം പിന്വലിക്കാന് തീരുമാനിച്ചിട്ടുണ്ട്. പകരം പോര്ട്ടലില് നല്കിയിട്ടുള്ള യുപിഐ ഐഡി വഴി ഗൂഗിള് പേയിലൂടെ സംഭാവന നല്കാം.' മുഖ്യമന്ത്രി പറഞ്ഞു.
