കോട്ടുകാല്‍ നെട്ടത്താന്നി സ്വദേശിയായ യുവതിയും കാഞ്ഞിരംകുളം നെല്ലിമൂട്ടിലെ യുവാവും തമ്മിലായിരുന്നു വിവാഹം നടന്നത്. വരന്‍റെ അമ്മൂമ്മ മരിച്ചതിനാല്‍ നേരത്തേ നിശ്ചയിച്ചിരുന്ന മുഹൂര്‍ത്ത സമയമായ 10 - 10.30 ക്ക് മുമ്പ് വിവാഹം നടത്തണമെന്ന് ആവശ്യപ്പെട്ടതനുസരിച്ച് രാവിലെ 8 മണിക്കു തന്നെ താലികെട്ട് നടത്തി.

എന്നാല്‍ ഇതൊന്നും അറിയാത്ത ക്ഷണിതാക്കള്‍ എത്തിയപ്പോള്‍ വരനും വധുവും സദ്യയുണ്ണുന്നതാണു കണ്ടത്. ഈ സമയത്തു തന്നെ വിവാഹ കാര്യം അറിഞ്ഞ് ഇയാളുടെ മുന്‍ ഭാര്യ പൊലീസുമായി എത്തി. ഇവരെ കണ്ടതോടെ വരന്‍ ഓടിയൊളിച്ചു.വിവരം അറിഞ്ഞ ക്ഷണിതാക്കള്‍ പെണ്‍കുട്ടിയുടെ അയല്‍ക്കാരനായ മറ്റൊരാളെ വരനാക്കി വിവാഹം നടത്തിക്കുകയായിരുന്നു.