അനുബന്ധ വാര്ത്തകള്
- പത്തനംതിട്ടയിലും വനിതാ പൊലീസ് സ്റ്റേഷന്
- ലോക്ഡൌണ് പരിശോധനയ്ക്കിടെ പൊലീസിനുനേരെ വാള് വീശിയ മങ്കി മഹേഷിന്റെ കൂട്ടാളികള് അറസ്റ്റില്
- പത്തനംതിട്ടയില് വിഷുവിന് മുന്നോടിയായി ഗതാഗതത്തിരക്ക്; പൊലീസിന് തലവേദന
- ലോക്ഡൌണ്: പിടിച്ചെടുത്തവാഹനങ്ങള് തിരികെ നല്കിത്തുടങ്ങി; ആവശ്യപ്പെടുമ്പോള് വാഹനം തിരികെ ഹാജരാക്കണമെന്നും പൊലീസ്
- 'ബിഗ് സല്യൂട്ട്' - കേരള പൊലീസിനെ അഭിനന്ദിച്ച് കമൽഹാസൻ
'പന്തീരാങ്കാവിലെ ബ്ലാക്ക് മാന്' അറസ്റ്റില് !
പന്തീരാങ്കാവ് നിവാസികളെ ഭീതിയിലാഴ്ത്തിയ ബ്ലാക്ക് മാന് പൊലീസിന്റെ പിടിയിലായി. കോട്ടൂളി പറയഞ്ചേരി മേലെ മനിയോത്ത് നന്ദു (24) വിനെയാണ് പാലാഴി ജംഗ്ഷന് സമീപം വിഷുദിനത്തില് അറസ്റ്റ് ചെയ്തത്. യുവാവിനെ പുലര്ച്ചെ നാട്ടുകാര് പിടികൂടി പൊലീസില് ഏല്പ്പിക്കുകയായിരുന്നു. ഒരു വര്ഷത്തോളമായി വീട്ടുകാരുമായി പിണങ്ങി കഴിയുന്ന ഇയാള് പാലാഴിയില് വാടക മുറിയിലാണ് താമസിക്കുന്നത്. അന്വേഷണത്തില് യുവാവിന്റെ മുറിയില് നിന്നും ബ്ലാക്ക് മാന്റെ വസ്ത്രങ്ങളും പൊലീസ് കണ്ടെത്തി.
പരിസരവാസിയല്ലാത്ത ഇയാളെ സംശയകരമായ സാഹചര്യത്തില് നാട്ടുകാര് തടഞ്ഞ് പൊലീസിനെ വിവരം അറിയിക്കുകയായിരുന്നു. പന്തീരാങ്കാവ് സ്റ്റേഷന് പരിധിയില് വീടുകള്ക്ക് നേരെ അജ്ഞാതരുടെ അക്രമണങ്ങള് വ്യാപകമായെന്ന പരാതി പൊലീസിന് നേരത്തേ ലഭിച്ചിരുന്നു.
മുഖാവരണം, കറുത്ത വസ്ത്രങ്ങള്, ഓവര് കോട്ട് മുതലായവയാണ് യുവാവില് നിന്ന് കണ്ടെടുത്തത്. നഗരപരിധിയില് ലോക് ഡൗണ് സമയത്ത് ഇയാള്ക്കെതിരെ പൊലീസ് വേറെയും കേസെടുത്തിട്ടുണ്ടെന്ന് പൊലീസ് പറഞ്ഞു.
