തിരുവനന്തപുരം|
എ കെ ജെ അയ്യര്‍|
Last Updated:
തിങ്കള്‍, 19 ഒക്‌ടോബര്‍ 2020 (17:43 IST)
മദ്യപാനി ഓടിച്ച ബൈക്കിടിച്ചു വിദ്യാര്‍ത്ഥി മരിച്ചു. ആറാലുംമൂട് അതിയന്നൂര്‍ പത്താംകല്ല് പ്ലാന്‍കാലവിള വീട്ടില്‍ സുലൈമാന്‍ - സബീന ദമ്പതികളുടെ മകന്‍ മുഹമ്മദ് സുഹൈല്‍ എന്ന പതിനേഴുകാരനാണ് ബൈക്കിടിച്ചു മരിച്ചത്.
മാരായമുട്ടം സര്‍ക്കാര്‍ ഹയര്‍ സെക്കണ്ടറി സ്‌കൂള്‍ വിദ്യാര്‍ത്ഥിയായ സുഹൈല്‍ സുഹൃത്തുമൊത്ത് നടന്നു പോകവേ പത്താംകല്ലിലെ സ്വകാര്യ ആശുപത്രിക്കു മുന്നില്‍ വച്ച് അപകടത്തില്‍ പെട്ടത്. ബൈക്കോടിച്ച നെയ്യാറ്റിന്‍കര സ്വദേശി ശ്രീകുമാരന്‍ നായരെ പരുക്കുകളോടെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
ശ്രീകുമാര്‍ നെയ്യാറ്റിന്‍കരയിലെ ആലുംമൂട് ജംഗ്ഷനില്‍ വച്ചും ഒരു വാഹനത്തില്‍ ഇടിച്ചു തെറിച്ചു വീണിരുന്നു. റോഡരുകില്‍ നിന്നവര്‍ ഇയാളെ പരുക്കുകളോടെ നെയ്യാറ്റിന്‍കര ജനറല്‍ ആശുപത്രിയില്‍ അഡ്മിറ്റ് ചെയ്തിരുന്നു. എന്നാല്‍ ഇയാള്‍ അവിടെ നിന്ന് ആശുപത്രി അധികൃതരുടെ കണ്ണുവെട്ടിച്ച് ബൈക്കുമായി പോയവഴിക്കാന്‍ മുഹ്ഹാദ് സുഹൈലിനെ ഇടിച്ചു വീഴ്ത്തിയത് എന്ന് പോലീസ് വെളിപ്പെടുത്തി.
