സിആര്‍ രവിചന്ദ്രന്‍|
Last Modified വെള്ളി, 20 ഒക്‌ടോബര്‍ 2023 (18:43 IST)
ഭര്‍ത്താവിന്റെ ആദ്യ ഭാര്യയെ മര്‍ദ്ദിച്ച് 24 വര്‍ഷമായി ഒളിവിലായിരുന്ന യുവതി പിടിയില്‍. ചെറിയനാട് സലിമിന്റെ ഭാര്യ സലീനയെയാണ് അറസ്റ്റിലായത്. ബെംഗളൂരുവില്‍ നിന്നും കൊല്ലകടവിലെ വീട്ടിലെത്തിയ പ്രതിയെ ചെങ്ങന്നൂര്‍ ഡിവൈഎസ്പിയുടെ സ്പെഷല്‍ സ്‌ക്വാഡ് അറസ്റ്റ് ചെയ്യുകയായിരുന്നു.
1999-ല്‍ സലീനയും സലിമും ചേര്‍ന്ന് സലിമിന്റെ ആദ്യ ഭാര്യയെ മര്‍ദ്ദിച്ചതിന് വെണ്‍മണി പോലീസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് അറസ്റ്റ്. കേസില്‍ ജാമ്യത്തില്‍ ഇറങ്ങിയ പ്രതി കോടതിയില്‍ ഹാജരാകാതെ തിരുവനന്തപുരം വെഞ്ഞാറമൂട് ഭാഗത്ത് ഏറെക്കാലം ഒളിവില്‍ കഴിഞ്ഞു.
