അമ്മയുമായി വഴക്ക്: പെട്രോളൊഴിച്ച് തീകൊളുത്തിയ യുവാവ് മരിച്ചു

Publish: Mon, 9 Nov 2020 (12:20 IST) Updated: Mon, 9 Nov 2020 (15:10 IST)

അമ്മയുമായി വഴക്കിട്ട് പെട്രോളൊഴിച്ച് തീകൊളുത്തിയ യുവാവ് മരിച്ചു. ചെങ്ങന്നൂര്‍ പാണ്ടനാട് സ്വദേശി സുധീര്‍ കുമാറാണ് മരിച്ചത്. ഭക്ഷണം കഴിക്കുന്നതിനിടെ അമ്മയുമായി സുധീര്‍ വഴക്ക് ഉണ്ടാക്കുകയും ഇതിനു ശേഷം മുറിയിലേക്ക് പോയി ഒഴിച്ച് തീകൊളുത്തുകയായിരുന്നു.

വീട്ടില്‍ നിന്ന് തീ ഉയരുന്നതുകണ്ട് കുടുംബക്കാരും നാട്ടുകാരും ഓടി എത്തുകയായിരുന്നു. എന്നാല്‍ ഫയര്‍ ഫോഴ്‌സ് എത്തിയാണ് തീ പൂര്‍ണമായും കെടുത്തിയത്. ഉടനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. മൃതദേഹം കോട്ടയം മെഡിക്കല്‍ കോളേജിലാണ് ഉള്ളത്.